რუსეთის პრეზიდენტი „Lada Aura“ს საჭე მიუჯა და მას კარგი მანქანა უწოდა

რუსეთის პრეზიდენტმა ვლადიმერ პუტინმა M-11 მაგისტრალზე Lada Aura-თი გაისეირნა და მგზავრობის შთაბეჭდილებები გააზიარა.

"კარგი მანქანაა", - უპასუხა რუსეთის ლიდერმა ჟურნალისტის შესაბამის კითხვას და მოწონების ნიშნად ცერა თითი ასწია.

პუტინმა ჩინოვნიკებისთვის განკუთვნილი მანქანა გამოიყენა სამშაბათს, 16 ივლისს, ტვერის ოლქში M-11 "ნევას" ავტომაგისტრალის ბოლო მონაკვეთის გახსნის ცერემონიალზე მისასვლელად.

პრეზიდენტმა ამის სურვილი იმავე დღეს, დილით გამოთქვა.

სახელმწიფოს მეთაური პირადად იჯდა ავტომობილის საჭესთან, რომელსაც სამარას სანომრე ნიშნები ჰქონდა.მანქნაის დაძვრამდე პუტინმა ღვედი გაიკეთა. პუტინის გვერდით მგზავრის სავარძელში იჯდა M-11 ავტომაგისტრალის მშენებლობის მე-3 ეტაპის წარმოების განყოფილების უფროსის მოადგილე ვასილი ვასილიევი. გზაში მან პრეზიდენტს უამბო, თუ როგორ დასრულდა გზის მშენებლობა დაგეგმილზე ერთი წლით ადრე. "ლამაზია! Ძალიან ლამაზია!" - ასე შეაფასა პუტინმა გზის მშენებლობა.

რას წარმოადგენს ჩინოვნიკებისათვის გათვალისწინებული Lada Aura?

შარშან ზაფხულში რუსეთის პრეზიდენტმა ვლადიმერ პუტინმა განაცხადა, რომ ყველა რუსი ოფიციალური პირი უნდა გადაჯდეს სამამულო წარმოების მანქანებზეო.

АвтоВАЗ- მა პირობა დადო.რომ 2024 წლის შუა ხანებში დაიწყებდა ახალი მოდელის-Lada Aura-ს გამოშვებას ჩინოვნიკებისათვის

ამასთან დაკავშირებით Lada Aura-ს უკანა რიგის მგზავრებმა მიიღეს დამატებითი 25 სანტიმეტრი თავისუფალი ადგილი. ინტერიერი დამზადებულია რუსული წარმოების ნატურალური ტყავისგან, დამონტაჟებულია პრემიუმ აუდიო სისტემა. გაკეთდა ორიგინალური კორპუსი გაფართოებული უკანა კარებით. ხმის იზოლაცია გაუმჯობესდა და საკიდარი ხელახლა დაყენებულია.

Lada Aura აღჭურვილია 122 ცხენის ძალის 1.8 ლიტრიანი ძრავით და ავტომატური ტრანსმისიით.

მოსალოდნელია, რომ ახალი მანქანის ფასი "ორ მილიონ რუბლზე საგრძნობლად მეტი იქნება.