"ვაიმე ეს სად მოვხვდით მიშველეთ, დამაწყნარეთ" - სახალისო პოსტი, რომელიც სოციალურ ქსელში ვრცელდება

მოგზაურობა

30 ივნისი, 16:02

ფიტნეს მწვრთნელი ნინა ილურიძე, რომელიც ოჯახთან ერთად ევროპაში მოგზაურობს სახალისო პოსტს აქვეყნებს, რომელისაც ქვემოთ გთავაზობთ.

"ვაიმე ეს სად მოვხვდით

მიშველეთ, დამაწყნარეთ

კოხტა, მშვიდ, წყნარ ქალაქს ველოდი, ასე წარმომედგინა ამსტერდამი.

ქალაქის ცენტრში სრული საგიჟეთი იყო:

უამრავი ხალხი

ხმაური

გუგუნი

უცნაური იერის ადამიანები

ყველგან პლანის სუნი

ზოგი ფეხზე ვერ იდგა, ბარბაცებდა

უამრავი ნაგავი

აქეთ ტიტლიკანა კაცმა ჩაგვირბინა

იქით ჩემი ელენე გამოვარდა წიოკით - სუვენირების მაღაზიაში ნაირ-ნაირი ფერის და ზომის ფალოსები რომ დახვდა

მითხარით რომ ასეთი არაა ამსტერდამი და ცუდ დროს ცუდ ადგილას მოვხვდით.

სახლში მინდაააა"-წერს ნინა ილურიძე.

ორიოდე დღეში ილურიძემ, იმ ადამიანებისთვის, რომლებიც, როგორც ჩანს იუმორზე აცრილები არიან დამატებით პოსტი დადო.

"წინა პოსტზე რომ ჩამაქვესკნელეთ და მოსკოვებში გამიშვით, ეგერ დაგიჯერეთ და აქ ვარ.

წითელ მოედანზე აქედან როგორ მოვხვდე?

ისე, მოსკოვი და სავეცკი საიუზი პირველ რიგში ზუსტად ეგ იყო - ხუმრობით და ხმამაღლა ნათქვამი განსხვავებული აზრიც კი საშიში იყო, ვიღაცას მიზეზი მიეცემოდა "დანოსი" დაეწერა. ახლა შეიძლება კომენტარებში დაგხვრიტონ.

ვიღაცისთვის პარიზია ვირთხების, ბომჟების და ნაგვით სავსე ქალაქი.

ჩემთვის კი

სიყვარულის

ქალაქია.

აქ უბედნიერესი ვარ

მოგზაურობა ამ მრავალფეროვნებით, კურიოზებით და ემოციების გამოა ასეთი მიმზიდველი, რომელიც ყველას განსხვავებული შეიძლება გვქონდეს სუბიექტური მიზეზების გამო."