ადამიანის სხეულის იდეალური ფორმის კონცეფცია გაჩნდა ჯერ კიდევ ძველ საბერძნეთში, მაგრამ იდეალური ფორმის პარამეტრები მუდმივად იცვლება. ამ საინტერესო ფოტოებზე შეგიძლიათ შეადაროთ და იგრძნოთ განსხვავება სპორტის სხვადასხვა სახეობაში ჩართული სპორტსმენების ფიგურებსა და სხეულებს შორის.

ჰოვარდ შატცი, ნიუ–იორკელი ფოტოგრაფი, ოლიმპიური სპორტსმენების სხეულის სხვადასხვა ტიპს. როცა ვსაუბრობთ სპორტულ აღნაგობაზე, ხშირად წარმოვიდგენთ რამდენიმე იდეალურ ფორმას კუნთების ლამაზი რელიეფით. აი, შატცის ფოტოები ავლენს სიმაღლეების, სიგანის და სხეულის ფორმების ფართო დიაპაზონს, ასევე კუნთების მასას, რომლებიც ოლიმპიური სპორტის ჩემპიონების აღნაგობას შეადგენს.

თუ ფოტოებს ერთ რიგში ჩავსვამთ, განსხვავება უფრო აშკარა ხდება. ათლეტები გამოკვეთილი კუნთებით, მორბენლები „წვრილი ძვლებით“, სიგრძეზე მხტომელების მაღალი სხეულები, ძალოსნების მასიური ფიგურები.

აი, მაგალითად, აქ არიან ბოდიბილდინგის, ძალოსნობის და რიტმული ტანვარჯიშის წარმომადგენლები.

შატცის სერია ნათლად აჩვენებს ზომის და ფორმის ფართო სპექტრს, რომელიც დამახასიათებელია იმ სპორტისთვის, რომელშიც სპორტსმენი სპეციალიზდება. სპორტსმენები, რომლებიც დიდ დისტანციაზე დარბიან, როგორც წესი, გამხდრები არიან. ეს ფიზიკური თავისებურება არასასურველია ძალოსნისთვის ან მოჭიდავესთვის, რომელიც უფრო მეტად ეყრდნობა კუნთებს და წონას. ასევე მორბენალისთვის სასურველია გრძელი ფეხები, ხოლო გრძელი ტანი მოცურავეს უპირატესობას ანიჭებს. ნებისმიერ შემთხვევაში, თითოეული ოლიმპიელი გვთავაზობს ათლეტური სხეულის საკუთარ ვერსიას.

ასევე, ამ ადამიანების უმეტესობა პროფესიული განვითარების პიკზეა, წარმოადგენს ფიზიკურ იდეალს, რომელიც საჭიროა სპორტულ შეჯიბრებებში მონაწილეობისა და გამარჯვებისთვის.

ფოტოებზე გამოსახული სპორტული სხეულები ნათელი მაგალითია, თუ როგორ იქმნება გენეტიკის და მრავალწლიანი ვარჯიშის შედეგად სხეულის იდეალური სტრუქტურა, რომელიც აუცილებელია სპორტის კონკრეტული სახეობისთვის.

მარცხნიდან მარჯვნივ: დიდ დისტანციაზე მორბენალი, მარათონელი, ათჭიდელი, მარათონელი, მორბენალი.

ბადროს ტყორცნა, უროს ტყორცნა, შუბის ტყორცნა, ბირთვის კვრა – ქალები და კაცები.

კრივი, კალათბურთი, გოლფი, ბეისბოლი, ხელბურთი.

პლაჟის ფრენბურთი, ფეხბურთი, მაგიდის ჩოგბურთი, კალათბურთი, კრივი.

ფეხბურთი, ცურვა, ველოსპორტი, კალათბურთი.

რიტმული ტანვარჯიში, სპორტული აერობიკა, ტანვარჯიში, ტანვარჯიში, სიმაღლეზე ხტომა, ტანვარჯიში.

სათხილამურო სპორტი, ფიგურული სრიალი, ჰოკეი, წყალბურთი, ქალთა წყალბურთი.

ჰოვარდ შატცის სერია მოიცავს ჩემპიონი სპორტსმენის 125 პორტრეტს. ფოტოები მოხვდა წიგნში Athlete, რომელიც გამოსცა მეუღლესთან, ბევერლი ორნშტეინთან თანამშრომლობით. მისი მეუღლე პროდიუსერი და მთავარი რედაქტორია.

ასევე დაგაინტერესებთ:

თავისუფლების და პროტესტის სიმბოლო - გორგოლაჭებიან ციგურებზე მოსრიალე გოგონების 22 ფოტო

8000 კალორია დღეში და ჟანგბადის ნიღაბში ძილი – სუმოს მებრძოლების ყოველდღიურობა

11 ფაქტი სინქრონულ ცურვაზე, რომლის გაგების შემდეგ უბრალო ხალხი კითხულობს: რაო, რაო?

8 ფაქტი პროფესიონალური სირბილის შესახებ – გაოცებისგან ყბა ჩამოგივარდებათ

სილამაზე საშინელი ძალაა: ცნობილმა სპორტსმენმა ქალებმა აჩვენეს, როგორ გამოიყურებიან კაბებში