თავისი არსებობის საუკუნე–ნახევრის განმავლობაში, საავტომობილო ინდუსტრიამ შექმნა მრავალი ლეგენდარული მანქანა. ზოგიერთი მათგანი, როგორიცაა Rolls-Royce, გახდა წარმატების სიმბოლო, ხოლო სხვები, როგორიცაა DeLorean, ცნობილია ერთ ერთადერთ ფილმში გამოჩენის წყალობით. ასევე არის მანქანები ცუდი, თუნდაც მისტიკური რეპუტაციით. მათ შორის ყველაზე ცნობილად სამართლიანად შეიძლება მივიჩნიოთ Porsche 550 Spider, რომელიც ჰოლივუდის ვარსკვლავ ჯეიმზ დინს ეკუთვნოდა.

პირველი მსხვერპლი

ჯეიმზ დინმა პორშეს სპორტული მანქანა 1955 წელს შეიძინა, როდესაც პოპულარობის პიკზე იყო. მფლობელის შეკვეთით მანქანის ვერცხლის ძარაზე გააკეთეს წარწერა: Little Bastard ანუ „პატარა ნაძირალა“. ითვლება, რომ დინმა თავად მიანიჭა მანქანას მეტსახელი, მაგრამ ასე არ არის. პირველი, ვინც პორშეს ეს სახელი უწოდა, იყო მისი ახლო მეგობარი დინ ჯეფრისი, მრბოლელი, კასკადიორი და ავტოკონსტრუქტორი.

ჯეიმზ დინი აღფრთოვანებული იყო მისი შეძენით, მაგრამ ყველა მეგობარმა არ გაიზიარა მისი სიხარული. მსახიობმა ალეკ გინესმა მეგობარს 1955 წლის 23 სექტემბერს უთხრა, რომ ერთ კვირაში ახალ მანქანაში კისერს მოიტეხდა. ამაზე დინს გაეცინა, რადგან გამოცდილი მრბოლელი იყო და რბოლაში „ინდიანაპოლის 500“ მონაწილეობასაც აპირებდა. მიუხედავად ამისა, ზუსტად ასე მოხდა, ზუსტად ერთი კვირის შემდეგ.

1955 წლის 30 სექტემბერს ჯეიმზ დინი „პატარა ნაძირალათი“ ავარიაში მოჰყვა და კისერი მოიტეხა. როცა საავადმყოფოში მიიყვანეს, მსახიობი უკვე გარდაცვლილი იყო. მანქანა ლითონის გროვად გადაიქცა და შეკეთებას არ ექვემდებარებოდა. ამის მიუხედავად პორშეს მყიდველი გამოჩნდა. ეს იყო ანჯელა პერი, მილიონერი, სოციალისტი და დინის ყველაზე დიდი გულშემატკივარი. მან აღადგინა მანქანა და დაიწყო მისი მართვა. მალე „პატარა ნაძირალამ“ მისი სიცოცხლეც შეიწირა - პერი ავტოკატასტროფაში დაიღუპა იმ ადგილთან ახლოს, სადაც მისი კერპი გარდაიცვალა.

ტრაგედიების სერია

ეს ძალიან უცნაური დამთხვევა იყო. გამოძიებას ხელმძღვანელობდა გამოცდილი ექსპერტი ჯონათან ბარჩი, მაგრამ ვერ დაასრულა, რადგან მოკლეს... მანქანით. არა, ეს არ იყო დინის ბედშავი პორშე. ბარჩი საკუთარმა მანქანამ გაანადგურა, როცა რაღაცას არემონტებდა. მამაკაცი მის ქვეშ იწვა, როცა მანქანა დაიძრა და გადაუარა. მოგვიანებით გაირკვა, რომ მოკლე ჩართვის გამო გამორთული ძრავა ჩაირთო.

„პატარა ნაძირალას“ მთელი რიგი ტრაგედიების შემდეგ გადაწყდა, რომ მანქანა არ აღედგინათ. გადაწყვიტეს მანქანის ნაწილებად დაშლა და გაყიდვა. ამ საქმეს ხელი მოჰკიდა ავტომექანიკოსმა ჯორჯ ბარისმა. ძრავის და ორი საბურავის მოწყობა მოასწრო. მოწყობილობა შეიძინა ექიმმა უილიამ ეშრიკმა, რომელიც ავტორბოლით გატაცებული იყო. „პატარა ნაძირალას“ ნაწილები თავის სარბოლო მანქანაზე დაამონტაჟა. რბოლის დროს ამ მანქანით ავარიაში მოჰყვა. გასაკვირი არ არის, რომ ექიმი კატასტროფას ვერ გადაურჩა.

ბედშავი მანქანის საბურავები სხვა მრბოლელის ხელში აღმოჩნდა. ერთ–ერთი რბოლის დროს საბურავები გაურკვეველი მიზეზით აფეთქდა. მძღოლმა დაზიანებები მიიღო, რის გამოც უნარშეზღუდული გახდა. ამის შემდეგ აღარ დარჩა მსურველი, ვისაც „პატარა ნაძირალას“ ნაწილების ყიდვა სურდა. სწორედ ამიტომ, ბარისმა გადაწყვიტა აღედგინა მანქანა, რომელსაც უბედურება მოაქვს.

აღმოჩნდა, რომ დინის პორშე სასიკვდილო იყო ლითონის ჯართის სახითაც. ტრანსპორტირებისას სატვირთო მანქანა, რომელსაც ის გადაჰქონდა, მოსახვევზე გადაბრუნდა. მძღოლმა კაბინიდან გადახტომა მოახერხა, მაგრამ მაინც ვერ გადარჩა. „პატარა ნაძირალას“ ძარადან გადმოვარდნილმა ჩარჩომ დაღუპა.

ყველაფრის მიუხედავად ბარისმა სპორტული მანქანა აღადგინა. მის ავტოფარეხში დიდხანს იმტვერებოდა, რადგან ავტომკვლელის საჭეზე დაჯდომას ვერავინ ბედავდა. ზოგჯერ პორშეს აჩვენებდნენ გამოფენებზე, მაგრამ ამას ყოველთვის თან ახლდა ინციდენტები. ერთ დღეს გაურკვეველი მიზეზით ცეცხლი გაუჩნდა პავილიონს, სადაც მანქანა იდგა. 1960 წელს „პატარა ნაძირალა“ მორიგი ტრანსპორტირებისას უკვალოდ გაუჩინარდა. ყოველ შემთხვევაში, ეს არის პრესის ოფიციალური ვერსია.

ასევე დაგაინტერესებთ:

ავტომობილის ერთი მოდელი, რომელშიც არცერთი ადამიანი არ გარდაცვლილა! აი, ის

6 სახიფათო აქსესუარი მანქანაში, რომლებიც უნდა მოიშოროთ

წყლით სავსე პლასტმასის ბოთლი მანქანაში: რატომ შეიძლება იყოს სასიკვდილოდ სახიფათო

თეთრი ფერი შუქნიშანზე უპილოტო მანქანებისთვის: რაზე გვაფრთხილებს

მანქანების 13 გიჟური დიზაინი, რომელთა გამოც ფარები შუბლზე აგივათ