საოცარი ტრაგიკომიკური ინციდენტი მოხდა 2010 წლის აგვისტოში კონგოს დემოკრატიული რესპუბლიკის ცაზე. ადგილობრივი ავიაკომპანიის Filair მინიატურული თვითმფრინავი Let L-410 Turbolet ქალაქ ბანდუნდუსკენ მიფრინავდა, რომელშიც 19 მგზავრი და ეკიპაჟის სამი წევრი იმყოფებოდა.

როდესაც თვითმფრინავი დასაფრენად ემზადებოდა, ხალხი მოულოდნელად წამოხტა ადგილებიდან და შევარდა კაბინაში. სიმძიმის ცენტრი გადაიწია, პილოტმა დაკარგა კონტროლი და თვითმფრინავი ჩამოვარდა. მომხდარის სურათი ერთადერთი გადარჩენილის ჩვენების წყალობით აღდგა.

აღმოჩნდა, რომ ერთ-ერთ მგზავრს სპორტულ ჩანთაში ცოცხალი ნიანგი ჰქონდა. აშკარაა, გაყიდვას აპირებდა. ნიანგი პატარა იყო, მაგრამ საკმარისად შემზარავი, რომ ჩანთიდან გამოძვრენის შემდეგ ბორტზე პანიკა გამოეწვია.

ქვეწარმავალს გამოქცეული ხალხი კაბინაში შევარდა, რის გამოც თვითმფრინავი ცხვირით ჩავარდა და ცარიელ სახლს დაეჯახა, ასაფრენი ბილიკიდან რამდენიმე ასეულ მეტრში.

ავარიის შედეგად დაიღუპა 21 ადამიანი, მათ შორის ბელგიელი პილოტი დანიელ ფილემოტი, რომელიც ავიაკომპანიის Filair მფლობელი იყო. ბედის ირონიით, დამნაშავე გადარჩა, თუმცა თვითმფრინავის ნანგრევებიდან ცხედრების ამოღების ოპერაციის დროს მაშველებმა ნიანგს ესროლეს და მოკლეს.

ასევე დაგაინტერესებთ:

1. უკიდურესი უიღბლობის ამბავი: მამაკაცი 20 წლის წინ ნასროლმა ტყვიამ მოკლა

2. ასეც ხდება: ქურდებმა მოპარული ბონსაის ხეები ვაშინგტონის მუზეუმში დააბრუნეს

3. რეჯი სპირსის უცნაური ამბავი – ადამიანი, რომელმაც საკუთარი თავი ამანათით სხვა კონტინენტზე გააგზავნა (ნაწილი მეორე)

4. 10 ძვირფასი ნივთი, რომლებიც მოიპარეს შესანიშნავი გემოვნების მქონე უსინდისო ქურდებმა

5. 8 ქცევის მოდელი, რომლებიც ქუჩაში ადამიანს დამნაშავისთვის ადვილ მსხვერპლად აქცევს