58 წლის ქალწულმა 15 კაცი უარით გაისტუმრა და ამჟამად როგორც განდეგილი, უკაცრიელ ადგილზე დასახლდა.ამის შესახებ ბრიტანული გამოცემა Daily Express-ის წერს.

ალბანეთში ქალმა გაუთხოვრობის აღთქმა დადო და უკაცრიელ ადგილზე დასახლდა

მან 23 წლის ასაკიდან ფიცი დადო, რომ მარად ქალწული იქნებოდა და რის შემდეგაც ამ მხრივ სრული თავისუფლება მოიპოვა.

58 წლის დუნიმ თქვა, რომ არასდროს აინტერესებდა ოჯახის შექმნა და არც გათხოვებას აპირებდა. მისი თქმით, ახალგაზრდობაში მან უარით გაისტუმრა 15 მამაკაცი, რომლებმაც მას ქორწინება შესთავაზეს.

23 წლის ასაკში, მამის დაკარგვის შემდეგ, ქალმა გადაწყვიტა გაუთხოვრობის აღთქმა დაედო. დუნიმ განმარტა, რომ იმ მომენტში იძულებული გახდა ოჯახის უფროსი გამხდარიყო, რათა უმცროს ძმასა და დაზე ეზრუნა. ამ მიზეზით, იგი გახდა ფიცდადებული ქალწული, ასე უწოდებენ ალბანეთში იმ ქალებს, რომლებიც უარს ამბობენ დაქორწინებასა და სექსუალურ ცხოვრებაზე, რათა მოირგონ მამაკაცის როლი ოჯახში.

როდესაც და-ძმა გაიზარდნენ, დუნი დასახლდა მიყრუებულ ადგილზე- პატარა სოფელ ლეპუშკეს მახლობლად ჩრდილოეთ ალბანეთში, სადაც ის დღემდე ცხოვრობს. ის კვლავ ასკეტურ ცხოვრების ეწევა და არ შედის ურთიერთობებში.

ქალმა აღნიშნა, რომ ცხოვრების ამ წესის წყალობით თავს ნამდვილად თავისუფლად გრძნობს.