კითხვაზე თუ რატომ არ მიირთმევენ მუსლიმები და იუდეველები ღორის ხორცს ყველგან ერთი და იგივე პასუხი ისმის: "იმიტომ რომ ღორი ბინძური ცხოველია". დაივიწყეთ ეს მოსაზრება, ვინაიდან როდესაც რელიგია იბადებოდა, არც თავად ადამიანი იყო გამორჩეულად სუფთა. ჩვენს წელთაღრიცხვამდე ხალხი ნაგავს ფანჯრიდან შუა გზაზე ყრიდა, შემდეგ კი ამავე გზებით მეზობლებთან გადადიოდა, ამიტომ იმ დროს როგორც პირუტყვი, ასევე ადამიანიც საკმაოდ ბინძური იყო, მაგრამ რატომ მაინცდამაინც ღორი? კლიმატი, რომელშიც ისლამისა და იუდაიზმის მიმდევრები ცხოვრობენ მოგეხსენებათ რომ ძალიან ცხელია, ხოლო ღორის ხორცი თავადაც იცით რომ ყველაზე მალფუჭებადი პროდუქტია.

გარდა ამისა, ღორი ყველაფრისმჭამელია, ის საკუთარ ექსკრემენტებსაც კი მადიანად შეექცევა, შესაბამისად, ღორის ხორცი შეიცავს ტრიქინებს - პარაზიტებს, რომლებიც არაერთი დაავადების განვითარებას უწყობს ხელს. ახლა შევაჯამოთ ყველა ზემოთ ჩამოთვლილი ფაქტორი და მივხვდებით, თუ რა რაოდენობის მოწამვლის ფაქტები იქნებოდა ღორის ხორცის მირთმევის შემდეგ ასეთ კლიმატში.

რაც შეეხება მორწმუნე ადამიანს, მას ამისთვის რელიგიური მნიშვნელობის მინიჭება არ გაუჭირდა: რადგან სხეული ამ ხორცს უარყოფს ეს ნიშნავს, რომ მასში რაღაც ეშმაკისეული და უწმინდურია. დასკვნა: უნდა აიკრძალოს! პარაზიტების მოშორების ერთადერთი გზა კი - ახალი ხორცის გაყინვაა, მაგრამ იმ დროს ცხელ უდაბნოში მაცივრები, სამწუხაროდ, არავის ჰქონდა.

თითქმის ნებისმიერი რელიგიური კვებითი ტაბუ შეიძლება მეცნიერულად აიხსნას, მაგალითად, კაშრუტის კანონების მიხედვით ებრაელებს მტაცებელი ცხოველების - მგლების, დათვების, მელიებისა და ძაღლების ხორცის ჭამა ეკრძალებათ, რადგანაც ისინი მტაცებლები არიან, შესაბამისად, მათ ორგანიზმში ტოქსინები არებობს, ამავე მიზეზით, ებრაელებს ასევე აკრძალული აქვთ - კიბორჩხალების, მოლუსკებისა და ლობსტერების მირთმევა, ვინაიდან კიბოსნაირთა ხორცი პტომაინს (გვამის შხამს) შეიცავს.