ყოველდღიურ ცხოვრებაში მცირე კონფუზები მეტ- ნაკლებად თითქმის ყველა ჩვენგანს ემართება, თუმცა რიგითი ადამიანებისგან განსხვავებით, სელებრითების უხერხული მომენტები ინტერნეტსივრცეში მყისიერად ვრცელდება და წლობით განიხილება.

სწორედ ასეთი უხერხული ინციდენტი შეემთხვა წითელ ხალიჩაზე, სულ ცოტა ხნის, ესპანელ ტელეწამყვან ადრიანა აბენიას მადრიდში გამართულ "GQ Awards of the Year"- ის ყოველწლიურ დაჯილდოვებაზე, სადაც თვალისმომჭრელ ესპანელ ლამაზმანს ულამაზესმა შავი საღამოს კაბამ სწორედ მაშინ უმტყუნა, როდესაც გოგონა მრავალრიცხოვანი ფოტოგრაფებისა და სტუმრების წინაშე თავმომწონედ პოზირებდა.

გოგონა პოზირებით იმდენად გაერთო, რომ კაბის თასმა ისე ჩამოუვარდა, ვერც კი იგრძნო, ამ მომენტის დაფიქსირების შანსი კი რაღა თქმა უნდა, წვეულებაზე დამსწრე ათეულობით ფოტოგრაფმა ხელიდან არ გაუშვა. მეორე დღეს ერთმანეთის მიყოლებით, ესპანური ტაბლოიდური გამოცემები ტელეწამყვანის მოშიშვლებული მკერდის სკანდალური ფოტოებით მთლიანად აჭრელდა.

დაჯილდოვების შემდეგ სოციალურ ქსელში გოგონამ ავბედითი ფოტო განათავსა, რომელსაც თან შემდეგი შინაარსის კომენტარი დაურთო: "ჩემს ფოტოარქივს კიდევ ერთი ფოტო შეემატა, რომელიც მთელი ცხოვრება გამყვება". ტელეწამყვანს გამომწერებმა იუმორი მოუწონეს და ურჩიეს ამასთან დაკავშირებით დიდად არ ენერვიულა.