საზოგადოება შსს ავრცელებს ინფორმაციას ამბროლაურის რაიონული სამმართველოს გამომძიებლის მირიან ჭელიძის გარდაცვალების შესახებ 2023, 7 აგვისტო, 14:43 შსს-ს ინფორმაციით 48 წლის მირიან ჭელიძე სამსახურებრივი მოვალეობის დროს შეუძლოდ გახდა და საავადმყოფოში მიყვანამდე გზაში გარდაიცვალა. ის ეს დღეები სტიქიური უბედურების ზონაში მუშაობდა და იცავდა საზოგადოებრივ წესრიგს.
შსს-ს განცხადება სრულად: "შინაგან საქმეთა სამინისტრო ღრმა მწუხარებას გამოთქვამს ამბროლაურის რაიონული საამართველოს საგამოძიებო განყოფილების გამომძიებელის, 1975 წელს დაბადებული მირიან ჭელიძის გარდაცვალების გამო.
პოლიციის მაიორი, ონის მუნიციპალიტეტში სამსახურებრივ მოვალეობას ასრულებდა, იგი სტიქიური უბედურების ზონაში მიმდინარე სამაშველო ღონისძიებების ფარგლებში იცავდა საზოგადოებრივ წესრიგს, რა დროსაც შეუძლოდ გახდა და საავადმყოფოში მიყვანამდე გზაში გარდაიცვალა.
შინაგან საქმეთა სამინისტრო მირიან ჭელიძის გარდაცვალების გამო, თანაუგრძნობს გარდაცვლილის ოჯახს, ახლობლებს და თანამშრომლებს".
15 შეფასება არ არის
|
  |
Intermedia.ge © 2011-2024 წელი
საავტორო უფლებები დაცულია
 |
