მისურის შტატში, კანზას სიტიში დაამზადეს მსოფლიოში ყველაზე დიდი შოკოლადის ყუთი, რომელიც მარტორქაზე მეტს იწონის.

ყუთი მართლაც გიგანტურია და მისი ზომები ასე გამოუყურება: 9, 27 მ x 4, 69 მ x 0, 47 მ.

2, 547.50 კილოგრამიანი შოკოლადის ყუთი ამერიკულმა საკონდიტრო ბრენდმა Russell Stover-მა დაამზადა, თავისი 100 წლის იუბილის აღსანიშნავად, რითაც მოხსნა წინა რეკორდი.

ყუთი მოიცავდა 15 ბლოკს განსხვავებული არომატებისა და გემოს შოლოლადებით: კარამელის, ქოქოსის, ხილისა და თხილის, მიწის თხილის, პეკანის, ჟოლოსა და მარწყვის კრემის, ტოფისა და ტრიუფელის. ასევე შოკოლადით დაფარული ნუშის უზარმაზარ განყოფილებას.

რეკორდის საჭირო მინიმალური წონის მისაღწევად, Russell Stover-მა სულ 205 გიგანტური შოკოლადის ნაჭერი გამოიყენა, რომლებიც მისივე ქარხანაში დაამზადეს.

შოკოლადის პატარა ნაჭრები 4, 53 კგ-ს, ხოლო ყველაზე დიდი 16 კგ-ს იწონიდა.

მის დასამზადებლად 20 დიზაინერი, ინჟინერი და ხელოსნთა გუნდი 600 საათზე მეტ ხანს მუშაობდა.

შოკოლადები საჩუქრად გადასცეს თანამშრომლებს და რონისძიებაში მონაწილე პირებს. ყუთი კი Russell Stover-ის ერთ-ერთ საცალო მაღაზიაში გამოფინეს.

აქამდე Thorntons და Russell Beck Studios-ის მიერ, 2008 წელს ლონდონში გაგაკეთებული შოკოლადის ყუთი მიჩნეოდა ყველაზე დიდად, რომელიც 1690 კგ-ს იწონიდა.

წყარო: Guinness World Records