"ვფიცავ დედაჩემის სულს, რომ არ მაქვს ნანახი არცერთი პოსტი სოსო პავლიაშვილის მიერ გაკეთებული ჩვენი ქვეყნის ინტერესების საწინააღმდეგოდ, რომლის გვერდით დგომამაც ჩემი ხალხის გულისტკენა და ბრაზი გამოიწვია' - ამის შესახებ მომღერალი მიშო სულუხია სოციალურ ქსელში წერს.

მისი თქმითვე, ვერცერთი ხელოვანი ან მომღერალი ვერ დააზიანებს ქვეყნის დემოკრატიულ განვითარებას და ვერ შეუშლის ხელს მის ტერიტორიულ მთლიანობის აღდგენას ისე, როგორც ეს ბოროტებითა და აგრესიით აღსავსე ადამიანებმა შეიძლება გააკეთონ.

"ვფიცავ დედაჩემის სულს, რომ არ მაქვს ნანახი არცერთი პოსტი სოსო პავლიაშვილის მიერ გაკეთებული ჩვენი ქვეყნის ინტერესების საწინააღმდეგოდ, რომლის გვერდით დგომამაც ჩემი ხალხის გულისტკენა და ბრაზი გამოიწვია. მე წლებია არ ვეცნობი არც მის და არც სხვა რუსული შოუბიზნესის წევრების სიახლეებს, რადგან არასდროს დავინტერესებულვარ ამით. ამ არცოდნას არც ვინმეს ვაბრალებ და არც თავს ავარიდებ იმ გულისტკივილზე პასუხისმგებლობას, რამაც ჩემმა ოკუპირებულ ტერიტორიაზე ვიზიტმა გამოიწყვია საზოგადოებაში. მადლობას ვუხდი იმ ადამიანებს, რომლებიც მიწერენ, რომ ჩემს ასეთ ქმედებას არ ელოდნენ, რადგან სწორედ ახლა დამაფიქრა ასე სიღრმისეულად ამ ფაქტმა. შეგიძლიათ ამ ქმედებას ისეთი კონოტაცია მისცეთ, როგორსაც თქვენი ხედვა გიკარნახებთ, თუმცა მე კიდევ ერთხელ აღვნიშნავ, რომ ეს არ ყოფილა ჩემი კომერციული ან გეგმიური ვიზიტი მოსკოვში. მე ჩავედი ჩემი მეგობრის, ნიაკოს, დაბადების დღეზე, როგორც რიგითი სტუმარი, მაგრამ ვაღიარებ, რომ მიკროფონით ხელში აღმოვჩნდი სცენაზე, სადაც სხვა მომღერლებიც იყვნენ. მე ქართველი ვარ და გამაჩნია ჩემი მტკიცე პოზიცია რუსეთის წინააღმდეგ და ეს ჩემმა ყველა გარშემომყოფმა ადამიანმა იცის. მათ შორის იმ „მეგობრებმაც“, რომლებმაც ამ ქარცეცხლის გამო ვერ გარისკეს ჩემი დაცვა და მე მათ არც ვამტყუებ. უბრალოდ გავიხსენებ ჩემს ანტირუსულ პოსტებსა და მოქმედებებს, რამაც ჩემი ნახევრად რუს იეროვნების დასთან ურთიერთობის წყვეტაც კი გამოიწვია. სწორედ ამ პაუზის შემდეგ მოხდა პირველად ჩვენი შეხვედრა 22 ივნისს მოსკოვში. გავიხსენებ იმ ღამეებს, რაც რუსეთ-უკრაინის ომის დროს მაქვს განცდილი და განათენები, თუმცა ამას იმის გამო არ ვამბობ, რომ საკუთარი პოზიცია დავიცვა.

მაგრამ გეტყვით ერთ რამეს, რომ ვერცერთი ხელოვანი ან მომღერალი ვერ დააზიანებს ქვეყნის დემოკრატიულ განვითარებას და ვერ შეუშლის ხელს მის ტერიტორიულ მთლიანობის აღდგენას ისე, როგორც ეს ბოროტებითა და აგრესიით აღსავსე ადამიანებმა შეიძლება გააკეთონ. მერწმუნეთ არსებობენ ადამიანები, რომლებსაც სიძულვილი, აგრესია და სტრატეგიული ბოროტების განცდა არ აქვთ და ისე აფასებენ მოვლენებს. ჩემი სხვა კოლეგების მიმართებაშიც არ მიმაჩნია სწორედ, რომ სიტყვითა და ქმედებით ეწეოდე სხვა ადამიანის დათრგუნვას და სიკვდილის პირას მიყვანას და ამას სამშობლოს სიყვარულსა და პატრიოტიზმს უწოდებდე. ამ დროს უმჯობესია გავიხსენოთ საქართველოდან გაქცეულ თუ გადასახლებულ ხელოვანთა უკიდეგანო სია, რომელზეც ქართული კულტურის უდიდესი ნაწილი დგას, ხოლო მათ სიცოცხლე საქართველოს ფარგლებს გარეთ დაასრულეს...

.

მე ქართველი ვარ და მთელი ჩემი არსი და შემოქმედება წარსულშიც და მომავალშიც მსურს მივუძღვნა ჩემი ქვეყნის განვითარებასა და ტერიტორიულ მთლიანობას. და ჩემი ქმედების ქვეყნის მოღალატედ კლასიფიკაცია ჩემთვის აუცილებლად იქნება უდიდესი ტკივილი, რაც ყველანაირი შემოქმედების უნარს გამომართმევს. ყველას მადლობა, ვინც ჩემი გულისხმევა გაიგეთ", - განაცხადა სულუხია.

.

* * *

მეგი გოგიტიძეს ქობულეთის საპატიო მოქალაქეობა მიანიჭეს, თუმცა რუსეთშია და ჯილდო დედას გადასცეს

აჭარელ ცნობილ მომღერალს მეგი გოგიტიძეს ქობულეთის მუნიციპალიტეტის მერიამ საპატიო მოქალაქეობა მიანიჭა. ამ ინფორმაციას ადგილობრივი ტელეარხი 25 ავრცელებს. მათი ცნობით, მერიამ წოდება მიანიჭა, თუმცა დაჯილდოებაზე დასწრება მომღერალმა ვერ შეძლო, რადგანაც ამჟამად სამუშაო გასტროლით ის სწორედ რუსეთში იმყოფება და ჯილდოს ვერ ჩაიბარებდა. ტელეკომპანიისვე ცნობით, ქობულეთის მერიამ საპატიო მოქალაქის ჯილდო მეგის დედას საზეიმო ღონისძიებაზე გადასცა..

ქობულეთის მუნიციპალიტეტის მერია ადგილობრივ ჟურნალისტებთან მეგი გოგიტიძის დაჯილდოების შესახებ კომენტარს, ან განმარტებას არ აკეთებს, ამდენად უცნობია, რის საფუძველზე მოხდა მისი დაჯილდოება. ცნობილია მხოლოდ ის, რომ მომღერალი ამ მუნიციპალიტეტში დაიბადა და გაიზარდა.

მომღერლის ოფიციალური გვერდი ფეისბუქში, რომელიც სხვათაშორის რუსული შრიფტით აქვს შექმნილი, მაისში მიმდინარე საკონცერტო ტურის შესახებ ანონსებს არ შეიცავს. იქ გამოქვეყნებულია ვიდეოჩანაწერი, სადაც ჩანს, რომ მიმდინარე წლის 30 აპრილს მეგი გოგიტიძემ რუსეთის ქალაქ ეკატერინბურგში გამართა კონცერტი. მოსკობში გამართული მისი სოლო კონცერტი კი ამავე წლის 10 მარტს შედგა და ეს ჩანაწერიც მის გვერდზეა გამოქვეყნებული. 5–7 მარტს კი ის ვლადიკავკაზში მღეროდა. მანამდე 4 მარტს მეგი გოგიტიძის სოლო კონცერტი დაღესტნის ქალაქ მახაჩკალაში შედგა. 2 მარტს კი პიტიგორსკში. 1 მარტს გოგიტიძემ იმღერა ქალაქ სტავროპოლში. 28 თებერვალს კრასნოდარში; 27 თებერვალს როსტოვში. 14 თებერვალს – ერევანში.

ზოგადად, მეგი გოგიტიძე საქართველოში ატეხილი პროტესტის და უარყოფითი დამოკიდებულების მიუხედავად რუსეთში კონცერტებს ხშირად მართავს. ის რუსეთის ფედერაციის სხვადასხვა ქალქაქში საკონცერტო შოუებს ყოველწლიურად და წელიწადში რამდენჯერმე აწყობს.

.

ჰგასული წლის ზაფხულში მისი რუსული ვოიაჟების გამო საქართველოს ერთერთმა კლუბმა მეგი გოგიტიძის დაგეგმილი კონცერტი გააუქმა. ამას მომღერალი სოციალურ ქსელში გამოეხმაურა და დაწერა, რომ ამას არასოდეს დაივიწყებს.

.

„აი ქარი რომ ჩადგება... ჩემს გაუქმებულ კონცერტს არასდროს დავივიწყებ საქართველოში... ისე ქმნით ჩემგან გმირს, რომ ვერც იაზრებთ...“, - წერდა მომღერალი.

/

2022 წლის 6 აგვისტოს მოსკოვში დაგეგმილი კონცერტის გამო ქართველი ერი მაშინაც აღშფოთდა. მომღერლის გადაწყვეტილების გამო, ბათუმში, კლუბმა “Sector 26-მა" 24 ივლისს მათთან დაგეგმილი, მეგი გოგიტიძის კონცერტი, რომელზეც ბილეთები უკვე გაყიდული იყო გააუქმა.