ილია ჭავჭავაძე ამბობდა, საქართველოს ისტორია მეფეთა და თავადთა ისტორიაა, უბრალო ხალხის ადგილი მასში არ არისო. ეს თუ ასეა, მაშინ მსოფლიო ისტორია მხოლოდ დიქტატორების და უსაზარლესი ტირანების ისტორიაა, სადაც მხოლოდ აქა-იქ, ცალკეულ ვარსკვლავთა ნათებასავით თუ გაიელვებს ხოლმე ბრუტუსის, კასიუსის, ჯაკომო მატეოტის თუ აბრაამ ლინკოლნის მსგავს დემოკრატ იდეალისტთა სახეები.

თუმცა, ფსიქოპათ მმართველებს შორისაც არსებობს გარკვეული გრადაცია. ამ სტატიაში მათგან ყველაზე საზარელ ტირანებს წარმოგიდგენთ:

1. მაო ძე-დუნი (1893-1976) ჩინელი პარტიული და სახელმწიფო ფუნქციონერი. მან 76 მილიონი ადამიანი გამოასალმა სიცოცხლეს.

2. იოსებ სტალინი (1879-1953) — ნახევრადშეშლილი საბჭოთა დიქტატორი. დევნის მანია სტანჯავდა, რაც წლების მანძილზე სულ უფრო მძაფრდებოდა. საბოლოო ჯამში მის პარანოიას 40 მილიონი ადამიანის სიცოცხლე შეეწირა მსხვერპლად.

3. ადოლფ ჰიტლერი (1889-1945) რასისტული და “სასიცოცხლო სივრცის” მანიები სტანჯავდა. მან 25 მილიონი ადამიანი გამოასალმა წუთისოფელს.

4. თემურ ლენგი (1336-1405) შუააზიელი დამპყრობელი. საქართველოში რვაჯერ ილაშქრა. ადამიანების მოჭრილი თავებით კოშკებს აგებდა.

5. ივანე მრისხანე (1530-1584) — რუსეთის პირველი მეფე. სადისტი და დაუნდობელი სისხლისმსმელი იყო. საკუთარი შვილიც კი მოკლა.

6. მულაი ისმაილ სისხლიანი (1647-1747) მაროკოს სულთანი. ყოველთვის ეღგზნებოდა, როცა საკუთარი სადისტური ფანტაზიების განხორციელების შესაძლებლობა ეძლეოდა.

7. პოლ პოტი (1928-1998) “ძმა ნომერი პირველი” — ასე უწოდებდნენ მას მშობლიურ კამბოჯაში. მისმა პარანოიდულმა რეჟიმმა ყოველი მესამე კამბოჯელის სიცოცხლე იმსხვერპლა.

8. სადამ ჰუსეინი (1937-2006) — საზარელი დიქტატორი იყო. ხშირად საკუთარი ხელით ხვრეტდა პოლიტიკურ ოპონენტებს. ამერიკელებმა ჩამოხრჩობა მიუსაჯეს.

9. მუამარ კადაფი (1942-2011) — ლიბიელი დიქტატორი. ღიად უჭერდა მხარს საერთაშორისო ტერორიზმს. აჯანყებულმა ლიბიელებმა ლინჩის წესით გაასამართლეს და ქუჩაში სიცოცხლეს გამოასალმეს.

10. ვლადიმერ პუტინი (1952 -) რუსი დიქტატორი. ჰააგის სასამართლო ეძებს კაცობრიობის წინააღმდეგ ჩადენილი დანაშაულისთვის. არის ტერორისტი. არსებობს საფუძვლიანი ეჭვი, რომ თავად გასცა უკრაინელი ბავშვების გაუპატიურების და ფიზიკური განადგურების ბრძანება ბუჩასა და ირპენში. შეპყრობილია ავადმყოფური იდეით რუსეთის იმპერიის აღდგენის შესახებ.