ყველას კარგად მოგვეხსენებათ, რომ მეორე მსოფლიო ომში ფაშიზმზე გამარჯვებას საქართველო სხვა უმეტესი პოსტსაბჭოთა ქვეყნების მსგავსად(აზერბაიჯანი, სომხეთი, ბელარუსი, ყაზახეთი, ყირგიზეთი, მოლდოვა, რუსეთი, ტაჯიკეთი, თურქმენეთი და უზბეკეთი) 9 მაისს აღნიშნავს;

1945 წლის 9 მაისს მოსკოვში წითელ მოედანზე გაიმართა ამ გამარჯვების აღსანიშნავი სამხედრო აღლუმი. დღესასწაულად გამოცხადდა 1945 წლის 8 მაისს სსრ კავშირის უმაღლესი საბჭოს პრეზიდიუმის ბრძანებულებით, ხოლო უქმე დღედ - 1965 წლის 26 აპრილს.

9 მაისს აღნიშნავს, ასევე პოსტსოციალისტური ქვეყნების უმეტესობა:პოლონეთი, ბოსნია და ჰერცოგოვინა, სერბეთი, ნაწილობრივ გერმანიის აღმოსავლეთი ნაწილში(ყოფილ გდრ-ში)

2000 წლიდან 9 მაისს, გამარჯვების დღეს, აღნიშნავს ასევე ისრაელი.

8 მაისს, (გერმანიის კაპიტულაციის დღე), აღნიშნავს დასავლეთის უმეტესი ქვეყნები: საფრანგეთი, დიდი ბრიტანეთი, ბელგია, ავსტრია, ჩეხეთი(1993 წლიდან) და ევროკავშირის ზოგიერთი სხვა ქვეყანა, ბალტიის ქვეყნები(ლიეტუვა, ლატვია, ესტონეთი) საბჭოთა კავშირის დაშლის შემდეგ.

ოკეანის გაღმა აშშ და კანადა.

გერმანიის ფედერაციული რესპუბლიკა 8 მაისს აღნიშნავს ფაშიზმისგან განთავისუფლების დღეს.