ცხოველთა სამყაროს დიდი, თუ პატარა წარმომადგენელი იძულებულია, საკვების, უკეთესი კლიმატური პირობების, თუ გამრავლებისთვის, შესაფერისი ადგილის მოსაძებნად, რთული და დამქანცველი გზა გაიაროს. ასეთი მიგრაციები, ძალიან ხშირი და მნიშვნელოვანი მოვლენაა, მთელი რიგი ცხოველების და ფრინველთა წარმომადგენლების ცხოვრებაში.
ჩვენი რეგიონისთვის ყველაზე დამახასიათებელი, ფრინველთა მიგრაციებია. მაგრამ, პლანეტის მასშტაბით, ამ მხრივ, ძალიან საინტერესო პროცესები მიმდინარეობს. მიგრაციებში, არა მარტო ცხოველები და ფრინველები, არამედ თევზები და პეპლებიც კი მონაწილეობენ.

გზა რომელსაც ისინი გადიან, გრძელი, რთული და ფათერაკებით აღსავსეა. მაგ., პოლარული მეჭვაია (ლათ. Sterna paradisaea) — რეკორდსმენია შორეულ დისტანციებზე ფრენაში. ის ატლანტიკის ოკეანეს წელიწადში ორჯერ კვეთს და ძირითადად, ჩრდილო და სამხ. ამერიკის სანაპირო ხაზის გასწვრივ დაფრინავს. 2015 წელს მეცნიერებმა დაადგინეს, რომ ერთ-ერთმა, ამ ფრინველთაგანმა, 96 000 კმ დაფარა. რაც იმას ნიშნავს, რომ ცხოვრების მანძილზე, მას შეუძლია მთვარეზე 4-ჯერ ჩაფრინდეს და უკან დაბრუნდეს.

ფრინველებისგან განსხვავებით, ცხოველები ასე შორს არ მიდიან. მაგრამ, არც მათი გზა არის მარტივად გადასალახი — ყველაზე რთული, ამ გზაზე, მდინარის გადალახვაა, რადგან იქ ჩასაფრებული ნიანგები, მათ დასახვედრად, ყოველთვის მზად არიან.

მტაცებლები, თუ ვერაფერს მოინადირებენ, შეუძლიათ პანიკა დათესონ, მიგრაციაში მონაწილე ცხოველებს შორის.

ამიტომ, ორგანიზებულობა და სიმშვიდე — წარმატებული მიგრაციის მნიშვნელოვანი ასპექტებია.

ეს ანტილოპების მიგრაციაა და წარმოუდგენლად ლამაზი სანახაობა არის.

მილიონობით ანტილოპას და სხვა ცხოველების მასობრივი გადაადგილება, საკვების უკმარისობით არის გამოწვეული. ყოველ წელს ისინი, დაახლოებით, 2800 კმ-ს გადიან.

აგვისტოს შუა პერიოდიდან — ნოემბრის დასაწყისამდე, ღამურებიც მიდიან უკეთესი პირობების საძებნელად. აქვე უნდა აღინიშნოს, რომ ხელფრთიანები ძალიან სასარგებლო ცხოველები არიან — ერთ მწერების მჭამელ მფრინავ თაგვს, მხოლოდ 1 სთ-ში, 200-მდე კოღოს განადგურება შეუძლია.

დიდი მიგრაციების პერიოდში, ტურისტებს შორის, პოპულარობით სარგებლობს გასეირნება საჰაერო ბუშტით, რომლის მოძრაობის მარშრუტი, ცხოველების მიგრაციის მარშრუტს ემთხვევა.

სკაროსების მიგრაციაა — ულამაზესი სანახაობა ბუნებაში.

კანადური ორაგულები კი წრეზე "დადიან". პატარები, ქვირითობის ადგილიდან (მდ. ადამსი) მდინარეების ტომპსონის და ფრეიზერის გავლით, ოკეანეში გადადიან. ხოლო სამი წლის შემდეგ, ალასკის ნაპირებიდან იღებენ სტარტს და გასამრავლებლად, ისევ მდ. ადამსში ბრუნდებიან.

მონარქი — ყველაზე საოცარი და ლამაზი პეპელაა, სახეობებს შორის. მიგრაციის პერიოდში, ასეთი პეპლები 2000-დან – 4000 კმ-ს ფარავენ.

უნიკალურ ბუნებრივი მოვლენაზე შეიძლება დაკვირვება შობის კუნძულზე (ავსტრალია). ყოველწლიურად, ნოემბერ-დეკემბერში, მილიონობით წითელი კიბორჩხალა, კუნძულის ცენტრალურ ნაწილში მდებარე ტროპიკული ტყეებიდან, გასამრავლებლად, ინდოეთის ოკეანისკენ გადაადგილდება. მიგრაციის დაწყება მთვარის ფაზაზე და ამინდზეა დამოკიდებული. როგორც კი წვიმების სეზონი იწყება, გზები, ბილიკები, მიწისქვეშა გასასვლელები და ოკეანის სანაპიროები, ცოცხალ ტალღებს ემსგავსება. პროცესი, საშუალოდ, 18 დღე გრძელდება — სწორედ ეს დრო არის საჭირო, რომ წითელმა კიბორჩხალამ დანიშნულების ადგილამდე ჩააღწიოს.

ვარხვების ზოგიერთ სახეობას, სეზონური მიგრაციების დროს, შეუძლია საკმაოდ დიდ მანძილზე იფრინოს. ამასთან, გადაფრენის დროს, ისინი ერთ ან რამდენიმე ირიბ ხაზად ეწყობიან, რომელშიც ყოველი მომდევნო ფრინველი, წინას ჰბაძავს და ამიტომ, გუნდში ფრთების მოძრაობა ყოველთვის სინქრონიზებულია.

თევზი-ჩაქუჩი ყველა ოკეანის ტროპიკულ წყლებში ბინადრობს, მაგრამ წლის ცხელ პერიოდებში, უფრო მაღალი განედებისკენ ინაცვლებენ, სადაც წყალი შედარებით გრილია.

ზამთარში პინგვინები, საკვების მოსაპოვებლად, ასობით კილომეტრზე ცურავენ.

სპილოების მიგრაცია ივნისში, მშრალი სეზონის დაწყებისთანავე იწყება. ისინი, ხშირ შემთხვევაში, ერთ ხაზზე მწკრივდებიან და კოლონას ყველაზე ჭკვიანი და გამოცდილი ძუ სპილო უძღვება.

ჩრდილოეთის ირმები კი, მიგრაციის დროს, სეზონზე, 3 000-მდე კმ-ს გადიან.

ეს იმ ცხოველების და ფრინველების მხოლოდ მცირე ჩამონათვალია, რომლებიც ყოველწლიურად, სეზონურ მიგრაციებში მონაწილეობენ. ამგვარ პროცესებში ჩართულები არიან პატარა ზომის თევზები და ფაუნის უმარტივესი წარმომადგენლები, რომლებიც საკვებს დიდი ზომის თევზებისთვის და წყლის ძუძუმწოვრებისთვის წარმოადგენენ. ამიტომ, ეს უკანასკნელნიც იქით მიდიან, სადაც "საკვები" მიდის.

არხის სხვა სიახლეები:

* წარმოუდგენელი ამბავი მაღაროელებსა და გმირ ვირთხაზე

* პიკის საათი მსოფლიოს სხვადასხვა ქალაქში

* რეალური, მაგრამ ძნელად დასაჯერებელი ფაქტები