ოპოზიციონერი დეპუტატის გუბაზ სანიკიძის თქმით, აშშ-ის სახელმწიფო დეპარტამენტის მიერ დასანქცირებული ქართველი მოსამართლეები ძალიან შეშინებული არიან და ეს მათი განცხადებებიდან ჩანს.

მურუსიძეს, ჩინჩალაძეს და კიდევ 2 ქართველ მოსამართლეს აშშ-ში შესვლა აუკრძალეს - ინფრორმაცია აშშ-ს სახელმწიფო დეპარტამენტის მიერ გავრცელდა. სწორედ ამ ფაქტს გამოეხმაურა გუბაზ სანიკიძე.

.

ტელეკომპანია პირველის პირდაპირ ეთერში სტუმრობისას სანიკიძემ ხაზი გაუსვა დასანქცირებული მოსამართლეების რეაქციებს და ივარაუდა, რომ მათი რეაქციები მომავალში უფრო არაადექვატური გახდება.

.

„პირუტყვული შიში აქვთ - გუშინ მურუსიძე გამოვიდა და თქვა, ეს წილხვედრი ქვეყანაა ღვთისმშობლისო და მე თავი დამანებეთო. არ გაგიკვირდეთ, ცოტა ხანში ამ ოთხმა მოსამართლემ და კიდევ ვიღაცები მიემატებიან, ხატებით რომ იარონ ქუჩაში ფეხშიშველებმა“, - განაცხადა გუბაზ სანიკიძემ TV პირველის ეთერში.