ღრუბლებსა და კლდეებს შორის

22.11.2024
სტატია:138414
ვიდეო:351967
სურათი:512069

Array
(
    [get1] => სტატია
    [get2] => 158557-ღრუბლებსა-და-კლდეებს-შორის-ულამაზესი-რონდა
    [get3] => 52
)

კულტურა

ღრუბლებსა და კლდეებს შორის - ულამაზესი რონდა

2023, 3 აპრილი, 9:13

რონდა პატარა, მაგრამ ულამაზესი და კოლორიტული ესპანური ქალაქია. იგი მალაგას პროვინციის ჩრდილო-დასავლეთ ნაწილში მდებარეობს.

ქალაქის მთავარ ღირსშესანიშნაობას მისი ადგილმდებარეობა წარმოადგენს - ის კლდეზეა გაშენებული, რომელსაც ღრმა ხეობა ორ ნაწილად ჰყოფს: მე-13 საუკუნის ძველ ქალაქად და მე-18 საუკუნის ახალ ქალაქად, ქვემოთ კი მდინარე გუადალევინი მიედინება.

ძველი და ახალი ქალაქი შეერთებულია ახალი ხიდით Puente Nuevo. ის 1759 და 1793 წლებს შორის პერიოდში აშენდა, სიმაღლე 98 მეტრია. აღსანიშნავია ის ფაქტი, რომ ადრე ხიდის შიდა სივრცე გამოიყენებოდა ციხის საკნებისთვის.

არის ძველი ხიდიც, PuenteViejo, რომელიც ახალი ხიდის ცოტა ქვემოთ მდებარეობს.

ქალაქი დაარსებულია ძვ.წ. VI საუკუნეში რომაელების მიერ და მაშინ ამ დასახლებას Arunda ეწოდებოდა.

თავისი არსებობის მანძილზე ქალაქმა გადაიტანა ფინიკიელების შემოჭრა, ბერძნების მიერ დაპყრობა და მუსულმანური მმართველობის პერიოდიც. ყოველმა კულტურამ თავისი კვალი დატოვა, ამიტომ რონდას არქიტექტურაც საინტერესო აქვს და მდიდარია სხვადასხვა ეპოქის ისტორიული ძეგლებით.

ისტორიულად რონდა დაყოფილი იყო სამ რაიონად: 1) ყველაზე ძველია სან-ფრანცისკო, 2) La Ciudad, სადაც ყველაზე დიდი რაოდენობითაა რელიგიური ნაგებობები და სასახლეები და 3) თანამედროვე El Mercadillo, ცნობილი თავისი სუვენირების მაღაზიებით.