საქართველო საქართველოს მთავრობის საბჭოთა ოკუპაციის დღისადმი მიძღვნილ ტექსტებში რუსეთი ერთხელაც არ არის ნახსენები 2023, 25 თებერვალი, 15:53 
დღეს საბჭოთა ოკუპაციიდან 102 წელი გავიდა. საქართველოს მთავრობის ფეისბუქ - გვერზე გამოქვეყნებულ ტექსტებში არცერთხელ არაა ნახსენები რუსეთი. ერთ-ერთი პოსტი კი შემდეგია: "1921 წლის 25 თებერვალს ჩვენი ისტორიის ერთ-ერთმა ყველაზე ტრაგიკულმა მოვლენამ მრავალი ჩვენი თანამემამულის - ახალგაზრდა იუნკრების, შეიარაღებული ძალების მებრძოლებისა და მოხალისეების, მშვიდობიანი მოქალაქეების სიცოცხლე შეიწირა და მრავალი ათწლეულით შეცვალა ქვეყნის განვითარება. ამავე დროს, 25 თებერვალი იქცა საქართველოს საბოლოო დამოუკიდებლობისათვის შეუპოვარი ბრძოლის დაწყების დღედ. ჩვენი დღევანდელი თავისუფლება მათი დამსახურებაა, ვინც საკუთარი თავგანწირვით დაამტკიცა, რომ ბრძოლას ყოველთვის აქვს აზრი, რომ საბოლოოდ ყოველთვის სიმართლე და ღირსება იმარჯვებს. დღესაც სწორედ ისტორიული სიმართლე და სამშობლოსათვის თავდადებულ გმირთა მაგალითი მიგვიძღვის წინ ახალი გამარჯვებებისკენ, ქვეყნის გაერთიანებისა და გაძლიერებისკენ. საქართველოს პრემიერ-მინისტრი ირაკლი ღარიბაშვილი" 41 1-ს მოსწონს 2-ს არა
|
  |
Intermedia.ge © 2011-2024 წელი
საავტორო უფლებები დაცულია
 |
