თუკი ტელეპორტაციაზე ოცნებობთ ვილნიუსში უნდა გაემგზავროთ, ან ლუბლინში, სადაც მდებარეობს დიდი მრგვალი ეკრანები, რომლის დახმარებით შეგიძლიათ 'შეიხედოთ' ერთი ქალაქიდან მეორეში.

ლიტვაში და პოლონეთში აშენებული ეს ციფრული პორტალები ადამიანებს საშუალებას აძლევს 600 კილომეტრის დაშორებით ერთმანეთი რეალურ დროში ნახონ. ეს დღევანდელ ეპოქაში, რა თქმა უნდა გასაკვირი სულაც არაა, თუმცა, 'პორტალის' ინსტალაცია მეტად შთამბეჭდავია, ვიდრე, უბრალოდ, ვიდეო ზარით საუბარი.

პორტალი ვილნიუსში

პორტალი ვილნიუსში

პორტალი ვილნიუსში

პორტალი ლუბლინში

პორტალი ვილნიუსში

პორტალები დამონტაჟებულია ვილნიუსის მატარებლის სადგურსა და ლუბლინის ცენტრალურ მოედანზე. ინტერნეტისა და ეკრანების საშუალებით აქ გამვლელებს ერთმანეთის დანახვა შეუძლიათ.

ამ იდეის ავტორია მეცნიერი ბენედიქტას გილის.

ბენედიქტას გილის

„სოციალური და კულტურული განსხვავებები, თანაგრძნობის ნაკლებობა და სამყაროს ვიწრო აღქმა სასიკვდილო გამოწვევებს უქმნის კაცობრიობას. სწორედ ამიტომ გვინდოდა აგვეშენებინა საერთაშორისო ტექნიკური ხელოვნების სკულპტურა - ხიდი, რომელიც სიმბოლურად იქნებოდა ცრურწმენებზე, განცალკევების ილუზიასა და უთანხმოებაზე მაღლა“, - ამბობს ახალგაზრდა მეცნიერი.

ბენედიქტას გილის

ეს მეცნიერულ-ფანტასტიკური სიმბოლო დააპროექტეს ვილნიუსის გედიმინასის ტექტნიკური უნივერსიტეტის კრეატივისა და ინოვაციების ცენტრის ინჟინრებმა, ლიტვის დედაქალაქის განვითარების სააგენტოს goVilnius-ის მხარდაჭერით, 2021 წლის 26 მაისს. პროექტის მთლიანი ღირებულებაა €111, 000 და მის განხორციელებას ხუთი წელი დასჭირდა.

ორგანიზატორების თქმით, ამ პროექტმა სხადასხვა ქვეყანაში დიდი ინტერესი გამოიწვია, ამიტომ, მალე, შეიძლება ათეულობით პორტალი ვიხილოთ ნიუ-იორკში, ლონდონში, ტოკიოში, ჰონგ-კონგში, დუბაიში და სხვაგან. მომდევნო პორტალი კი - რეიკიავიკსა და ლონდონში განთავსდება.