ათასწლეულების მანძილზე, ადამიანები მარადიული სიცოცხლის საიდუმლოს გაგებას ცდილობენ. ზოგიერთ კულტურებში ფიქრობდნენ, რომ თუ მიცვალებულთა სამყაროში გადასვლის შემდეგაც, სხეულს უხრწნელად შეინარჩუნებდნენ, მაშინ, ხორბლის გაღივებული ყლორტების მსგავსად, ადამიანი ხელახლა დაიბადებოდა. ამიტომ, რაღას არ აკეთებდნენ, დროის ზეგავლენისგან, სხეულის დასაცავად.

ძველ ეგვიპტეში, ადრეული სამეფოს პერიოდში, ფართოდ იყო გავრცელებული დაკრძალვის რიტუალი, რომელშიც კანოპას იყენებდნენ. ეს დოქების მსგავსი ურნა იყო და მას ადამიანის, ცხოველის, ან ფრინველის თავის და სახის ფორმის სახურავი ჰქონდა. ასეთი სამარხები, ძველი ეგვიპტელების – სიცოცხლის შემდეგ, სიცოცხლის არსებობის შესახებ რწმენას შეესაბამებოდა. ჭურჭელს სამარხში, მიცვალებულის ცხედრის მახლობლად ათავსებდნენ, მისი მაგიური დაცვის მიზნით.

თუმცა, უნდა აღინიშნოს, რომ კანოპას პრაქტიკული დანიშნულებაც ჰქონდა. მასში მიცვალებულის შინაგანი ორგანოები იყო მოთავსებული. მუმიფიკაციამდე ორგანოებს კარგად რეცხავდნენ და მირონით, ანისითა და ხახვით გაჟღენთდნენ. შემდეგ, სელის ტილოში ახვევდნენ, ჭურჭელში ათავსებდნენ და სპეციალური სითხით ავსებდნენ. ხოლო, სხეულში დარჩენილ ღრუს, ნახერხით ავსებდნენ და მიცვალებულს ბალზამირებას უკეთებდნენ.

და კიდევ, ერთი მნიშვნელოვანი ფაქტი ის იყო, თანმხლები კანოპა 4 უნდა ყოფილიყო, რადგან ამ ციფრს, ძველი ეგვიპტელებისთვის, ჯადოსნური მნიშვნელობა ჰქონდა. ამ ჭურჭელს, ჰორიზონტის მხარეების მიხედვით, კვადრატულად ათავსებდნენ, ხოლო ცენტრში მიცვალებულის ადგილი იყო.

ღმერთი ჰოროსის შვილები – ოთხი სტიქიის და ჰორიზონტის 4 მხარის განსახიერება

დროთა განმავლობაში, ეგვიპტელებმა კანოპაზე უარი თქვეს. ბალზამირებულ შინაგან ორგანოებს ისინი, ერთი პერიოდი, ყუთში ათავსებდნენ, ხოლო მოგვიანებით, მისი ჩაბრუნება, ისევ სხეულში დაიწვეს, რომელსაც თავის მხრივ, რამდენიმე სარკოფაგში ათავსებდნენ.

ძველეგვიპტური მრავალშრიანი სარკოფაგები, მარცვლის აგებულების მიხედვით იყო მოწყობილი, რომელიც მიცვალებულთა სამყაროში, ახალ სიცოცხლის აღორძინების სიმბოლოდ ითვლებოდა. ასე, მაგალითად, ხორბლის, ქერის ან ჭვავის მარცვალს თუ გადავჭრით და მიკროსკოპით შევისწავლით, ვნახავთ, რომ ჩანასახი 8 ფენით არის დაცული. სწორედ ეს არის მიზეზი, რომ მარცვალი წლების მანძილზე, არ ფუჭდება და დათესვის შემდეგ, ახალი სიცოცხლე იბადება.

ფარაონების დაკრძალვის ძველეგვიპტურმა რიტუალმა, სიცოცხლის გაგრძელების საიდუმლოს, ასე შეასხა ხორცი. ამ წესის მიხედვით, ფარაონის მუმიფიცირებული სხეული – მარცვლის ჩანასახია და ის 7 სარკოფაგით არის დაცული, ისევე, როგორც დამცავი სისტემა, მარცვლის შემთხვევაში. ხოლო, მერვე სარკოფაგი – პირამიდა იყო. ეგვიპტელების აზრით, მოვიდოდა დრო და სიცოცხლის აღორძინება მოხდებოდა...

გარდა ამისა, სარკოფაგს, იმ დროს, მნიშვნელოვანი როლი "ეკისრებოდა". ეგვიპტელებს სჯეროდათ, რომ ის ნავის როლს ასრულებდა, რომლითაც გარდაცვლილი ადამიანის სული მიცვალებულთა სამეფოში მიცურავდა, ღმერთი ოსირისის სამსჯავროზე წარსადგენად.

არხის სხვა სიახლეები:

* "როდესაც უძაღლო ქვეყანაში, კატებს აყეფებენ!"...

* ის ავიაკატასტროფას გადაურჩა და 9 დღე ჯუნგლებში სრულიად მარტომ გაატარა

* გვირაბები ოკეანის ფსკერზე და "ატლანტების" მიწისქვეშა ცივილიზაცია

* 15 საინტერესო ფაქტი ყველის შესახებ, რომლის გაგების შემდეგ, უფრო მეტად დააფასებთ ამ პროდუქტს

* რატომ არ შეიძლება ყავის უზმოზე დალევა და რატომ არის ჩაი უფრო ეფექტური გამოსაფხიზლებელი

* ბატი Nike-ის ბოტასებში და მისი მკვლელის პოვნისთვის დაწესებული უპრეცედენტო ჯილდო

* პირამიდა, რომლის შესწავლის უფლებას ეგვიპტის ხელისუფლება არავის აძლევს