რას გააკეთებს საშუალო სტატისტიკური ადამიანი, თუ მას არ მოეწონება საჩუქარი? მაქსიმუმი შეიძლება იყოს მშრალი და თავშეკავებული "გმადლობთ" მაგრამ არა ამაზე მეტი. თუმცა მელისა იანგმა აირჩია ბევრად უფრო საშინელი და რადიკალური მეთოდი.

ქალი ედინბურგში საცხოვრებლად 2011 წელს გადავიდა და გლენერ ლოუნზე დასახლდა. მისი მეზობელი აღმოჩნდა 37 წლის ალან უილიამსონი . წყვილმა სწრაფად გამონახა საერთო ენა. ეს არ იყო სამყაროს საერთო ხედვა, ჰობი ან უბრალოდ ორმხრივი სიმპათია;

რამაც ისინი გააერთიანა, იყო ალკოჰოლი.ორივეს უყვარდა დალევა. იანგმა დაიწყო ურთიერთობა მეზობელთან, მაგრამ წყვილი არ აპირებდა ერთად ცხოვრებას - თითოეული განაგრძობდა ცხოვრება საკუთარ ბინაში. ნათელია, რომ რეგულარული ლოთობა ხელს უშლიდა მათ კარიერულ წინსვლას.

47 წლის ალანი არარეგულარულ სარემონტო სამუშაობს ასრულებდა ან დროდადრო კერძო ტაქსისტად მუშაობდა . მელისაც სხვადასხვა შემთხვევით სამუშაოებით შოულობდა ფულს.

წყვილმა ამ რეჟიმში დაახლოებით ორი წელი გაძლო. თითქოს ყველაფერი შედარებით ნორმალურად იყო, სანამ მომდევნო 2014 წელი არ გამოჩნდა ჰორიზონტზე. მელისამ თავის მეზობელს მიანიშნა, რომ სურდა ნაძვის ხის ქვეშ საშობაოდ რაიმე მნიშვნელოვანი საჩუქარი ეპოვა - ბრენდირებული ჩანთა ან სამკაული.

პარალელურად მან უკვე იზრუნა მამაკაცის საჩუქარზე: იყიდა ცნობილი ბრენდის სპორტული ფეხსაცმელი, ლამაზად შეფუთა და მოუთმენლად ელოდა დღესასწაულს.

ფოტოზე:კორპუსი სადაც მეზობლები ცხოვრობდნენ

საჩუქრების გაცვლა დაგეგმილი იყო 2013 წლის 27 დეკემბერს. ჯერ მელისამ გადასცა ყუთი ალანს და მოუთმენლად და სულმოუთქმელად ელოდა საყვარლისგან საპასუხო ღირსეულ საჩუქარს. წარმოიდგინეთ მისი გაოცება, როდესაც მან გადასცა დაუდევრად დახვეული მუყაოს რულონი. ეს იყო ჩვეულებრივი და უკვე საკმაოდ გადაქუხული მომავალი წლის კედლის კალენდარი .

მას ალბათ უბრალოდ გამორჩა საყვარლის მინიშნება ან დაავიწყდა საჩუქრის ყიდვა, მელისას მტკიცებით, მან დაიწყო თავის გამართლება, რომ არ იცოდა რა ეჩუქებინა მისთვის. მაგრამ ასეთი დამოკიდებულებითა და ნანატრი საჩუქრის არარსებობით განრისხებული მელისა აღარ შეჩერდა და ხელში დანა აიღო...

მეზობლებს ყვირილის და ჩხუბის ხმა მოესმათ. სწორედ მათ გამოიძახეს პოლიცია. ადგილზე მოსული პოლიცია და მედიკოსები მსხვერპლს ვეღარ დაეხმარნენ: ალანი გარდაცვლილი დახვდათ. მელისა მშვიდად დახვდა პოლიციას და არ იჩენდა აგრესიას.

2014 წლის ზაფხულში მელისას სასამართლომ 20 წლით თავისუფლების აღკვეთა მიუსაჯეს. ეს არის მინიმალური სასჯელი გაუფრთხილებლობით მკვლელობისთვის.

თუმცა, სტერლინგის გამოსასწორებელკოლონიაში სასჯელის მოხდის დროს, ტემპერამენტულმა ქალბატონმა არ მიატოვა თავისი ჩვევები: იგი თავს დაესხა ციხის ზედამხედველ ქალს რისთვისაც მას კიდევ რამდენიმე წელი დაუმატეს როგორც ჩანს, თავშეუკავებელი დამნაშავის შემდეგი "საჩუქარი" პენსია იქნება.