შოტლანდიაში, რელიგიის მასწავლებელი გარიცხეს სკოლიდან მას შემდეგ.როდესაც ცნობილი გახდა, რომ მასზე ორჯერ უმცროს სკოლის მოწაფესთან არაეთიკური ურთიერთობა დაამყარა, მოგვიანებით კი ის დაქორწინდა და შვილები ჰყავთ.

რელიგიის მასწავლებელმა გევინ დანსმუირმა, რომელიც ახლა 50 წლისაა, დაამყარა ურთიერთობა მეგან რიდთან 2015 წელს, როდესაც ის მუშაობდა ჩრდილოეთ აირშირში.ლარგსის აკადემიაში.

ყოფილმა მასწავლებელმა მიატოვა ცოლი და საცხოვრებლად გადავიდა ქალბატონ რიდთან, რომელიც ახლა 25 წლისაა, ისინი მხოლოდ გასულ წელს დაქორწინდნენ ოფიციალურად.წყვილს ამ ხნის განმავლობასი ორი შვილი შეეძინათ.

გოგონას მამამ, 62 წლის დონალდ რიდმა, სასამართლოს განუცხადა, რომ მათმა ურთიერთობამ ის ძალზე გაანაწყენა, ამის გარდა ამან გამოიწვია მისი შვილის ბულინგი.

დანსმუირი მოხსნილია მასწავლებელთა სიიდან მას შემდეგ, რაც შოტლანდიის გენერალურმა სწავლების საბჭომ (GTCS) დაიწყო გამოძიება წყვილის ურთიერთობაზე.

გარდა ამისა, ვარაუდობენ, რომ ის პაბში დადიოდა მის რიდთან და სხვა ახალგაზრდებთან ერთად 2015 წლის მარტიდან აგვისტომდე, როდესაც გოგონა 17 ან 18 წლის იქნებოდა.

GTCS დანსმუირის საქმეს 2018 წლიდან იძიებს. მოსმენა განახლდა ამ კვირაში, რათა ქალბატონი რიდის ყოფილი კოლეგისა და მამის დამატებითი ჩვენებები მოისმინონ.

2017 წელს GTCS-ისთვის გამოქვეყნებულ განცხადებაში, მისტერ რიდმა განმარტა, თუ როგორ გრძნობდა თავს მას შემდეგ, რაც შეიტყო, რომ მისი ქალიშვილი დანსმუირთან ურთიერთობაში იყო.

„ძალიან შეწუხებული ვარ შექმნილი სიტუაციით. როცა ჩემს ქალიშვილზე მეკითხებიან, ყველანაირად ვცდილობ არ ვუთხრა მათ, რომ მასწავლებელთან ერთად გაიქცა."-აღნიშნა მისტერ რიდმა.

„მინდა განვმარტო, რომ ამის შესახებ მხოლოდ მეოთხე პირისგან გავიგე, რადგან კომპიუტერს რომ დავხედე, საეჭვო, შემაშფოთებელი ვერაფერი შევნიშნე".

„მის ოთახში ორი საფოსტო ბარათი ვნახე, ერთი დაბადების დღის მისალოცი ბარათი იყო, მეორე კი სკოლის დამთავრების."-დასძინა მეგანის მამამ, დონალდ რიდმა.