პლანეტის ისტორიაში ერთადერთი შემთხვევა, როდესაც ადამიანმა მოახერხა გადარჩენა კოსმოსიდან თავდასხმის შემდეგ, მოხდა 1954 წლის 30 ნოემბერს. ამ დღეს ასტეროიდის ტოროს ფრაგმენტი დაეცა ამერიკულ ქალაქ სილაკაუგაში, ალაბამაში და სახლს დაეჯახა. ჰოჯესების ოჯახს.

კოსმოსური სხეულის ფრაგმენტმა, რომელიც იწონიდა თითქმის ოთხ კილოგრამს (3, 8 კგ) საღამოს დაახლოებით შვიდ საათზე ენ ელიზაბეტ ჰოჯესის სახლის სახურავი გაარღვია, როდესაც დიასახლისი ტელევიზორის წინ დასასვენებლად იწვა დიდ ოთახში. მის გვერდით მაგიდაზე რადიო იდგა, რომელსაც მეტეორიტი დაეჯახა შემდეგ ქალისკენ გადავარდა. ქალი სასწაულებრივად გადარჩა, ფრაგმენტმა უბრალოდ დიდი ჰემატომა დატოვა დაზარალებულის სხეულზე .
იმ პერიოდში ცივი ომი იყო გაჩაღებული და მეტეორიტის ჩამოვარდნაც რაკეტა ეგონათ, მაგრამ როდესაც გააცნობიერეს, რომ საბრძოლო იარაღთან კავშირი არ იყო, ბრბო სასწრაფოდ გაემართა მოკრძალებული დიასახლისის საცხოვრებელში, რომელმაც სიტყვასიტყვით ცნობილ ადამიანად გაიღვიძა. ის იყო ერთადერთი ადამიანი მსოფლიოში, რომელიც გადარჩა მეტეორიტის დარტყმის შემდეგ.
უკვე საქვეყნოდ ცნობილ ოჯახს კოსმოსური ნატეხის დატოვება სურდათ, როცა პოლიციამ მისი კონფესკაცია მოახდინა. მეტიც, ამ მეტეორიტისთვის ჰოჯესებს სასამართლო დავა ჰქონდათ სახლის მეპატრონესთანაც, რომელიც ამტკიცებდა, რომ რადგან მეტეორიტი მის საკუთრებას დაეცა, ესე იგი მას ეკუთვნოდა. სასამართლო პროცესი ჰოჯესებმა მოიგეს და 4 კილოგრამიანი უცხო სხეულის მფლობელები გახდნენ.