საზოგადოებრივი ჯანდაცვის ექსპერტი, გიორგი ფხაკაძე "ფეისბუქის" პირად გვერდზე პოსტს ავრცელებს და პოლიტიკურ პარტიებს საჯაროდ მიმართავს:

"შეკითხვა ყველა პოლიტიკურ პარტიას (0.001%-დან 15%-იანამდე):

1/ თქვენი გუნდის წევრების სია, რომლებიც ჯანდაცვის საკითხების სპეციალისტები არიან. მათი კვალიფიკაცია, განათლება, გამოცდილება (დეტალური ბიოგრაფია). გავიცნოთ მაინც, ვინ უნდა მართოს ბიუჯეტის 30%…

2/ საქართველოს ჯანდაცვის თქვენეული ხედვა/პროგრამა:

ა/მთავარი ხედვა (საითკენ უნდა წავიდეს, ხრამში თუ სამშვიდობოს)

ბ/კონკრეტული მიმართულებები

და ეს ყველაფერი მოკლე, საშუალო და გრძელვადიან ჭრილში (რეალურად თუ ფიქრობთ მოსახლეობაზე)

3/ ჯანდაცვის რეფორმის ფინანსური გათვლები და რა შედეგი ექნება მას მოქალაქეების ეკონომიკურ და სოციალურ კეთილდღეობაზე.

ოღონდ არ გვინდა "დაბოლება" და სხვა საკითხებზე ყურადღების გადატანა.

პასუხი თუ არ გაქვთ, აღიარეთ.

ჯერჯერობით ბოლის, ზღაპრების, და კომუნისტური ლოზუნგების გარდა არაფერი ჩანს.

სიმართლე მწარეა, მაგრამ ჯობს მწარე სიმართლე, ვიდრე ტკბილი ტყუილი (უკვე 20 წელია, ტკბილი ტყუილით ვიკვებებით).