ბევრს მიაჩნია, რომ ცნობილი სახეები მუდამ მიირთმევენ ძვირადღირებულ რესტორნებში, მართავენ ძვირადღირებულ მანქანებს და ირჩევენ ტანსაცმელს ექსკლუზიურად ცნობილი დიზაინერებისგან. მაგრამ ყველა ვარსკვლავი ასე არ არის. ზოგიერთი ცნობილი ადამიანი ძალიან ეკონომიურად და მოკრძალებულად ცხოვრობს და თავის ზღაპრულ ჰონორარს საქველმოქმედო ან საინტერესო პროექტებზე ხარჯავს:
1. ჯენიფერ ლოურენსი
პოპულარული ჰოლივუდის მსახიობი, “ შიმშილის თამაშები"-ს ვარსკვლავი ფულს გონივრულად ხარჯავს. ის მართავს მოკრძალებულ ავტომობილს Volkswagen Eos-ს, ყიდულობს ტანსაცმელს არაბრენდულ მაღაზიებში და უყვარს ფასდაკლებები. ინტერვიუში ჯენიფერი აღიარებს, რომ უყვარს მარტივი გართობა: “იყიდე გემრიელი საკვები და უყურე ტელევიზორს." ოსკაროსანი მსახიობი თავის ჰონორარს ქველმოქმედებას სწირავს., ვარსკვლავის მშობლიურ ქალაქში არის საავადმყოფოს კარდიოლოგიური განყოფილება, რომელსაც მან 2 მილიონი დოლარი შესწირა.
2. კიანუ რივზი
მსახიობს ნამდვილად არ მოსწონს მდიდარი სასახლეები და კერძო თვითმფრინავები. მაშინაც კი, როცა ცნობილი გახდა, საკუთარი ბინა კი არ იყიდა, ნაქირავებში დარჩა. მას ცოტა რამ აქვს, არ ჰყავს დაცვა და მანქანის ნაცვლად კიანუ საზოგადოებრივი ტრანსპორტით მგზავრობს. შემოსავლის 90% ფილმიდან "მატრიცა" ( 80 მილიონი დოლარი) მსახიობმა გადასცა ვიზაჟისტებს, სპეცეფექტების სპეციალისტებს და სხვა კოლეგებს, რომელთა ხელფასი მსახიობებზე გაცილებით ნაკლები იყო. გარდა ამისა, მან ასევე აჩუქა 12 მოტოციკლი კასკადიორებს.
კიანუ რივზი არის კიბოს ფონდის დამფუძნებელი. ამას მსახიობს პირადმა ტრაგედიამ უბიძგა - მისი და ლეიკემიით იყო დაავადებული. გარდა ამისა, ის მხარს უჭერს ყველა სახის გარემოსდაცვით ინიციატივას და იბრძვის ცხოველთა უფლებებისთვის.
3. სარა ჯესიკა პარკერი
მსახიობი ნიუ-იორკში მოკრძალებულ ბინაში ცხოვრობს და ფულს უფრთხილდება. შვილებს დაზოგვას ასწავლის. სარა თავად კერავს ბავშვებისთვის ტანსაცმელს, უყვარს მეორეული ტანსაცმელი და მხოლოდ კარგ ფეხსაცმელს ყიდულობს მაღაზიებში. მსახიობმა აუქციონზე გაყიდა კერი ბრედშოუს ფეხსაცმელი (მისი ყველაზე ცნობილი როლი) და ამ აუქციონიდან შემოსული თანხა გადასცა მუსიკისა და ხელოვნების უმაღლეს სკოლას. პარკერი არის UNICEF-ის კეთილი ნების ელჩი და ჰოლივუდის ქალთა პოლიტიკური კომიტეტის წევრი.
4. ქეით მიდდლტონი
ჰერცოგინიას უყვარს ბიუჯეტური ბრენდები და თავის სამეფო ქონებას დიზაინერულ ნივთებში არ ხარჯავს. ყოველდღიურ ცხოვრებაში ის უპირატესობას ანიჭებს მასობრივ ბაზარს: Zara, Hobbs, H&M. ქეითი თავის დანაზოგს ქველმოქმედებაში ხარჯავს. მისი უახლესი საქველმოქმედო პროგრამა ფოკუსირებულია ახალგაზრდების, ვეტერანების, უსახლკაროების და სხვა რისკის ქვეშ მყოფი ჯგუფების ფსიქიკური ჯანმრთელობის საკითხებზე. ქეთი ქმართან ერთად აქტიურად არის ჩართული სხვადასხვა საქველმოქმედო ინიციატივებში: უსახლკაროებთან სირბილი, მოხალისეების წვეულებები და ა. შ. 
5. კრისტიან ბეილი
მსახიობს ფუფუნება არ უყვარს. მას შემდეგაც კი, რაც სახელი მოიხვეჭა, არ ჩქარობდა მდიდრული სასახლეების შეძენას. ბეილი დიდხანს ცხოვრობდა ერთოთახიან ბინაში ოჯახთან ერთად, არ იყენებდა მობილურ ტელეფონს და არ ქირაობდა დაცვას.
"სიმდიდრე ჩემთვის არაფერს ნიშნავს. ჩემს სახლში მძარცველი რომ შემოვარდნილიყო ტირილს დაიწყებდა" - თქვა მსახიობმა ინტერვიუში. ის აქტიურად სწირავს თავის ჰონორარს საქველმოქმედო ორგანიზაციებს. მან ფილმის "The Promise"-ის მთელი შემოსავალი გადასცა თანამედროვე მსოფლიოში გენოციდის პრობლემაზე მომუშავე სხვადასხვა მოხალისეობრივ ორგანიზაციას.
ბეილი არ არის მხოლოდ გმირი ეკრანზე. ერთხელ მან ლეიკემიით დაავადებული 4 წლის ბავშვის ოცნება აისრულა - ბეტმენის კოსტუმში გამოწყობილ ბიჭს ესტუმრა.
6. ლეონარდო დიკაპრიო
ერთ დროს, უკვე კარგად ანაზღაურებადი მსახიობი, ლეო მართავდა ჩვეულებრივი კლასის მანქანას Toyota Prius და კომერციულ ფრენებს ამჯობინებდა კერძო თვითმფრინავებს. დიკაპრიო ადრევე მიხვდა, რომ დაგროვილი სიმდიდრე ადამიანს არ აბედნიერებს. უკვე 1998 წელს მან შექმნა ლეონარდო დიკაპრიოს ფონდი და 15 მილიონი დოლარი გადარიცხა 30 სხვადასხვა საქველმოქმედო ორგანიზაციის ანგარიშებზე.
ახლა მსახიობი აქტიური გარემოსდამცველია - ის დაინიშნა გაეროს ელჩად და გადაიღო საკუთარი დოკუმენტური ფილმი კლიმატის ცვლილებაზე. დიკაპრიომ ჩაატარა შთამბეჭდავი გამოძიება, რომელმაც უნდა დაარწმუნოს პოლიტიკოსები გარემოსადმი მათი დამოკიდებულების გადახედვის აუცილებლობაში. „ჩვენი პლანეტის განადგურება გრძელდება და ჩვენ არ შეგვიძლია ამის იგნორირება. ჩვენ ვართ პასუხისმგებელი ჩვენს მომავალზე და ჩვენი პლანეტის ცხოვრებაზე. მე ვამაყობ იმით, რომ შემიძლია მხარი დავუჭირო ორგანიზაციებს, რომლებიც მუშაობენ ამ საკითხების მოგვარებაზე“, - თქვა მსახიობმა.
7. კირა ნაითლი
მსახიობს არ შეიძლება ეწოდოს მფლანგველი. კირამ დააწესა თვიური ლიმიტი: თუ მას სურს შეიძინოს რაიმე დადგენილ ნორმაზე მეტი, მაშინ ფიქრობს, რამდენად სჭირდება ეს. ნაითლი ამბობს, რომ არ მოსწონს ძვირადღირებული ცხოვრების წესის დაცვა. სწორედ ამიტომ მსახიობი არ იკვეხნის თავისი ჰონორარით, არამედ ამჯობინებს ქველმოქმედებას. მაგალითად, კაბებს, რომლებშიც ის სხვადასხვა ღონისძიებებზე ჩნდებოდა, ის ყიდის აუქციონებზე და ფულს ქველმოქმედებას აბარებს.
8. კვენტინ ტარანტინო
ტარანტინოს არ უყვარს ლამაზი მანქანები და ბრილიანტები. სკანდალურ რეჟისორს მხოლოდ ერთი გატაცება აქვს - კინოს რეკვიზიტებს აგროვებს. წითელი Chevrolet Malibu (რომელიც ტრავოლტა Pulp Fiction-ში ატარებდა) მას ეკუთვნოდა, მაგრამ კვენტინს არ აინტერესებდაის და მისი მოშორება სურდა. გარდა ამისა, ტარანტინო რეგულარულად ეხმარება სხვადასხვა სტიქიით დაზარალებულებს.
9. რიზ უიზერსპუნი
რიზი ფულს ფრთხილად ხარჯავს და დაზოგვას მიჩვეულია. ის არ აფუჭებს შვილებს, ასწავლის მათ ფინანსურად განათლებას. ძვირადღირებული სათამაშოების ნაცვლად მსახიობი მხოლოდ საჭირო ნივთებს ყიდულობს. უიზერსპუნი აქტიურად იყო ჩართული აშშ-სა და კანადაში დაუცველი ბავშვებისთვის ნივთების შეგროვების კამპანიაში. მეთიუ მაკკონაჰისთან ერთად წარმოადგინა მულტფილმის Sing-ის ჩვენება, სადაც მათ საქველმოქმედო ფონდებისთვის 100 000 დოლარი შეაგროვეს. რიზ უიზერსპუნი არის Avon საქველმოქმედო ფონდის დამსახურებული თავმჯდომარე და დიდი ხანია მხარს უჭერს კომპანიის ყველა ინიციატივას. ის არის მკერდის კიბოს პრევენციის აქტიური დამცველი.
10. ანჯელინა ჯოლი
მსახიობს ქველმოქმედებისადმი ინტერესი 2001 წელს, კამბოჯაში ფილმის „ლარა კროფტი - სამარხების მძარცველი“-ს გადაღებების დროს გაუჩნდა. იქ ჯოლიმ საკუთარი თვალით დაინახა ამ ქვეყნის მაცხოვრებლების გაჭირვება და ჰუმანიტარული მოგზაურობით წავიდა მესამე სამყაროს ქვეყნებში. ჯოლის საქმიანობამ მას საშუალება მისცა გამხდარიყო ლტოლვილთა კეთილი ნების ელჩი გაეროში 2001 წელს. მსახიობმა შექმნა რამდენიმე საქველმოქმედო ფონდი, რომელიც ეძღვნება კამბოჯაში და ხელოვნური კატასტროფებით დაზარალებულ ბავშვებს. 2013 წელს მან მიიღო ჰუმანიტარული ოსკარი მისი მომსახურებისთვის.
