ახალი კვლევა აჩვენებს, რომ წითელ ჯუჯებთან მახლობლად ბევრ პლანეტაზე ნახევრად მაინც წყალია.

მეცნიერებმა ჩაატარეს კვლევა 34 ახლახან აღმოჩენილ ეგზოპლანეტაზე, რომლებიც ბრუნავენ წითელ ჯუჯების გარშემო. მათმა ანალიზმა აჩვენა, რომ სამყაროში გაცილებით მეტი პლანეტაა, რომლებიც ნახევრად მაინც წყლისგან შედგება, ვიდრე ადრე ეგონათ, წერს Daily Mail.

ასტრონომების წინა კვლევებმა აჩვენა, რომ კლდოვანი ან აირისებრი პლანეტები ბრუნავენ წითელი ჯუჯების გარშემო (სამყაროში ყველაზე გავრცელებული ვარსკვლავი). ანუ ან დედამიწის მსგავსი პლანეტები, ან იუპიტერის მსგავსი.

ჩიკაგოს უნივერსიტეტის მეცნიერებმა გააანალიზეს 34 ახლახან აღმოჩენილი პლანეტა წითელი ჯუჯების მახლობლად და დაასკვნეს, რომ მათი უმეტესობა ნახევრად წყალია და ნახევრად მყარი ქვა.

„იმის გათვალისწინებით, რომ წყალი დედამიწაზე სიცოცხლის საფუძველია, შეგვიძლია ვთქვათ, რომ ამ პლანეტებს შეიძლება ჰქონდეთ სიცოცხლე. ჩვენ გვჯერა, რომ ჩვენს გალაქტიკაში და შესაძლოა მთელ სამყაროში გაცილებით მეტი ასეთი წყლის სამყაროა, ვიდრე მოსალოდნელია. - ამბობს რაფაელ ლუკი ჩიკაგოს უნივერსიტეტიდან.

მეცნიერებმა გულდასმით შეისწავლეს აღმოჩენილი პლანეტების ზომა და მასა და დაადგინეს, რომ ბევრი მათგანი ზედმეტად მსუბუქია იმისთვის, რომ მათი ზომა იყოს მხოლოდ კლდოვანი სამყარო.

"სავარაუდოა, რომ ეს პლანეტები მინიმუმ ნახევრად წყალია. თქვენ შეიძლება იფიქროთ, რომ ეს პლანეტები დაფარულია ოკეანეებით, როგორც დედამიწაზე, მაგრამ ეს ასე არ არის. წყალი ან მყარ ქანებშია ჩასმული, ან ის არის წყალსაცავებში ზედაპირის ქვემოთ.“ - ამბობს ლუკი.

მეცნიერთა აზრით, წყლის ეს განლაგება მოგვაგონებს იუპიტერის მთვარის მიწისქვეშა ოკეანეს. ყოველ შემთხვევაში, ახლა მეცნიერები თვლიან, რომ ის ჯერ კიდევ არსებობს.

"ეს საოცარი აღმოჩენაა, რადგან მე და სხვა მეცნიერებს გვჯეროდა, რომ ამ კლდოვან სამყაროებზე წყალი არ იქნებოდა." - ამბობს ჯეიკობ ბინი ჩიკაგოს უნივერსიტეტიდან.

ლუკის თქმით, მეცნიერებმა მიიღეს მხოლოდ საწყისი სავარაუდო მონაცემები. ახლა მათ უნდა მიიღონ ზუსტი მტკიცებულება, რომელიც დაადასტურებს მათ თეორიას ტელესკოპ Webb-ის გამოყენებით.

მეცნიერები თვლიან, რომ ამ წყლის პლანეტებზე სიცოცხლე შეიძლება არსებობდეს გარკვეული პირობების დაკმაყოფილების შემთხვევაში, მაგრამ ეს დამოკიდებულია თავად პლანეტების შემადგენლობაზე. ამიტომ, მეტი კვლევაა საჭირო, რათა გაიგონ მეტი იმის შესახებ, არის თუ არა წითელ ჯუჯებთან ახლოს მყოფი პლანეტების უმეტესობა წყლის სამყაროები და შესაძლებელია, თუ არა მათზე სიცოცხლე.