კიმ კარდაშიანი და პიტ დევიდსონი ცხრათვიანი ურთიერთობის შემდეგ დაშორდნენ. ამის შესახებ Page Six სხვადასხვა წყაროზე დაყრდნობით იუწყება.
ერთ-ერთი წყაროს ცნობით, ისინი ერთმანეთს გააზრებულად დაშორდნენ და მეგობრებად დარჩნენ.
ძალიან უყვართ და პატივს სცემენ ერთმანეთს, მაგრამ დისტანციურად და დატვირთული გრაფიკით უჭირდათ ურთიერთობის შენარჩუნება.
დევიდსონი ბოლო დროს დიდ დროს ატარებს ავსტრალიაში ფილმის გადაღებებზე, ხოლო კიმი ბავშვებზე ზრუნავს და თავის ბიზნესს ლოს ანჯელესში აწარმოებს.
სხვა წყარომ აღნიშნა, რომ ასაკობრივმა სხვაობამ როლი ითამაშა დაშორებაში- კიმი პიტზე 13 წლით უფროსია.
“პიტი 28 წლისაა, კიმი 41 წლის - ისინი ცხოვრების ძალიან განსხვავებულ ეტაპებზე არიან. პიტი წარმოუდგენლად სპონტანური და იმპულსურია, ის ელის, რომ მის გამო ყველაფერს მიატოვებს და პირველივე ზარზე წავა ნიუ-იორკში ან სადაც არ უნდა იყოს. მაგრამ კიმს ოთხი შვილი ჰყავს, ეს არც ისე ადვილია. კიმს ღლიდა ეს ურთიერთობა და სხვა სირთულეები მის ცხოვრებაში."
რომანის შესახებ გასული წლის ოქტომბერში გახდა ცნობილი. შეყვარებულები დიდ დროს ატარებდნენ ერთად და ხშირად ხვდებოდნენ პაპარაცების ობიექტების ქვეშ.
