ჟურნალისტი ნანუკა ჟორჟოლიანი ელისო კილაძისა და თამარ ჩერგოლეიშვილის ფეისბუქ დაპირისპირებას უერთდება და ელისო კილაძის სტატუსის ქვეშ წერს, რომ გიგა ბოკერიას მეუღლემ თამარ ჩერგოლეიშვილმა ნანუკას ტელე „იმედში“ მუშაობის დროს დაურეკა და ირაკლი ალასანიას მეუღლის, ფსიქოლოგ ნათია ფანჯიკიძის გადაცემაში მიწვევის გამო უსაყვედურა. ნანუკა წერს, რომ გაკვირვებული მაშინვე დირექორის კაბინეტში ავიდა.

„ნათია ფანჯიკიძე მყავდა „იმედში“ სტუმრად, მეორე დღეს დამირეკა ჩერგომ (რომელსაც პირადად მგონი ჯერ არ ვიცნობდი) და საკმაოდ მკაცრი ტონით მთხოვდა პასუხს რატომ მოვიწვიე ნათია სტუმრად. (სხვა რაღაცეებიც მითხრა, არ დავწერ) მახსოვს გიორგი არველაძესთან ავედი გაკვირვებული (ტვ იმედის მაშინდელი დირექტორი) და გიორგიმ ღიმილით მითხრა, დაიკიდე ნანუკა, “ - წერს ნანუკა ჟორჟოლიანი.

.

„მეც დავიკიდე, მარა ვინაა ჭკუას რომ გვასწავლის სამყაროს?“ - პასუხობს ელისო კილაძე.

.

ამ ყველაფერს კი წინ ეს უძღვოდა.

ელისო კილაძე თამარ ჩერგოლეიშვილის საჯარო სტატუსს ეხმაურება და მას პარტიების დაშლის ექსპერტს უწოდებს.