კიმ ჩენ ინმა განაცხადა, რომ მზად არის გამოიყენოს ბირთვული იარაღი შეერთებულ შტატების და სამხრეთ კორეაის წინააღმდგ შესაძლო სამხედრო კონფლიქტის შემთხვევაში.

გუშინ ჩრდილოეთ კორეის ლიდერი 1950-53 წლების კორეის ომის დასრულების 69 წლისთავთან დაკავშირებით ომის ვეტერანებს შეხვდა.სწორედ იქ გააჟღერა მუქარა დიქტატორმა.

კიმ ჩენ ინმა ისაუბრა შიდა ერთიანობის გასძლიერებაზე და აღნიშნა, რომ მუქარა სერიოზული იქნება შეერთებული შტატებისა და სამხრეთ კორეის წინააღმდეგ, რადგან მოკავშირეები ემზადებიან გაფართოებული საზაფხულის წვრთნებისთვის, რომელსაც ჩრდილოეთ კორეა ხედავს, როგორც მათ ქვეყანაში შეჭრის რეპეტიციას.

კიმ ჩენ ინმა თქვა: ”ჩვენი შეიარაღებული ძალები სრულად მზად არიან უპასუხონ ნებისმიერ კრიზისს, ხოლო ჩვენი ქვეყნის ბირთვული შეკავება ასევე მზადაა მოახდინოს თავისი აბსოლუტური ძალების სრულად მობილიზება მორჩილად, ზუსტად და სწრაფად, თავისი მისიის შესაბამისად”.

მან დაადანაშაულა შეერთებული შტატები ჩრდილოეთ კორეის „დემონიზაციაში.“

მისი თქმით, აშშ-სა და სამხრეთ კორეის სამხედრო წვრთნებმა აჩვენა აშშ-ს "ორმაგი სტანდარტები" და "განგსტერული" პოზიცია, ხოლო ჩრდილოეთ კორეის რუტინულ სამხედრო აქტივობებს - აშკარა პროვოკაციად ან მუქარად განიხილავენ.

კიმმა სამხრეთ კორეის პრეზიდენტს იუნ სოკ იოლის, რომელმაც ახლახან დაიკავა თანამდებობა, "კონფრონტაციული მანიაკი" უწოდა, რომელიც უფრო შორს წავიდა, ვიდრე სამხრეთ კორეის წინა ლიდერები და დასძინა, რომ მის კონსერვატიულ მთავრობას "განგსტერები" ხელმძღვანელობდნენ.

2022 წლის 10 მაისს, თანამდებობის დაკავების შემდეგ, იოლის მთავრობამ, უსაფრთხოების მიზნით, შეერთებულ შტატებთან გააძლიერა სამხედრო ალიანსი და გააძლიერა ჩრდილოეთ კორეისგან ბირთვული საფრთხის ნეიტრალიზება, მათ შორის პრევენციული დარტყმების შესაძლებლობაც.

”ჩვენი ერის წინააღმდეგ სამხედრო ქმედებებზე ლაპარაკი, რომელსაც გააჩნია აბსოლუტური იარაღი, რისიც მათ ყველაზე მეტად ეშინიათ, სასაცილოა და ძალიან საშიში თვითმკვლელობაა. ასეთი საშიში მცდელობა დაუყოვნებლივ დაისჯება ჩვენი ძლიერი ძალების მიერ და იუნ სოკ იოლის მთავრობა და მისი სამხედროები განადგურდებიან."-დასძინა კიმ ჩენ ინმა.