ია ფარულავას ფარული კონვერტის მორიგი სტუმარი იყო მომღერალი ხატია წერეთელი, სადაც მან სხვადასხვა საკითხებთან ერთად ისაუბრა პირად ცხოვრებაზე, როგორც მოიტაცეს 15 წლის ასაკში, ასევე ხატიამ არ დამალა, რომ ცოლიან კაცთან ჰქონდა ურთიერთობა.

გადაცემის შემდეგ ია ფარულავას ინბოქსში შეტყობინება მოუვიდა, რომელიც სოციალურ ქსელში გამოაქვეყნა.

„გუშინდელი გადაცემის მერე ეს შეტყობინება მოვიდა ინბოქსიში:

ია, ვუყურე შენს გადაცემას. არ დაგიმალავ, ცოტა დაძაბული ვიყავი, ხომ არ დასცინებს-თქო ამ საწყალ ქალს, რომელსაც სხვა გადაცემაში დასცინეს და ამ დროს სხვა კიკიმორებს პატივისცემით იწვევდნენ.

ეს მირჩევნია იმ კოშმარ კიკიმორებს. შენ მოახერხე, რომ პირველად არ დასცინეს გადაცემის მერე. უბრალოდ ეს არის შენი ფასეულობა და რა ძალა აქვს ამ ყველაფერს. შეაქე კიდეც რამდენჯერ, ზომიერად გააკრიტიკე პირდაპირ. მოკლედ ამ აგრესიულ საზოგადოებას საკენკი არ მიეცი. მაგარი ხარ. მგონი ჟურნალისტებს ადამიანური სტანდარტი დაანახვე და იმედია, გაიგებენ. მოკლედ, მე ცოტა გადახრა მაქვს დაცინვაზე, და გამახარე. ეს შენ გაყენებს ბევრად მაღლა სხვა ქაჯ ჟურნალისტზე. რამდენი გელაპარაკე“ - წერს ია ფარულავა.