საზოგადოება
"საყრდენი კედელი გამომეცალა” - ნახეთ, რა პოსტს ავრცელებს ნანუკა ჟორჟოლიანი
2022, 25 მაისი, 11:13
ტელეწამყვანი ნანუკა ჟორჟოლიანი "ფეისბუქის" პირად გვერდზე ემოციურ პოსტს აქვეყნებს, რომელსაც პერსონალურად "მთავარი არხის" გენერალურ დირექტორს ნიკა გვარამიას უძღვნის:
"ნიკა, მარიამი ომში მიდის.
ნიკა, პანიკური შეტევები დამიბრუნდა.
ნიკა, პირადში პრობლემები მაქვს.
ნიკა, იმაზე რას ფიქრობ, ამაზე რა პროგნოზი გაქვს.
ყველა თემაზე სადაც მინდოდა მეგრძნო რომ დამატებითი ძალა მაქვს, (მყავს) იწყებოდა ნიკა, ნიკა, ნიკა.
პოლიტიკური დღის წესრიგის დედაც, საყრდენი კედელი გამომეცალა."- წერს "მთავარი არხის" წამყვანი და პროდიუსერი ნანუკა ჟორჟოლიანი სოციალურ ქსელში.
შეგახსენებთ, რომ თბილისის საქალაქო სასამართლომ ტელეკომპანია "მთავარი არხის" გენერალური დირექტორი, ნიკა გვარამია "რუსთავი 2-ის" დირექტორობისას კომპანიისთვის ზიანის მიყენების საქმეზე გაამტყუნა და 3 წლითა და 6 თვის ვადით პატიმრობა მიუსაჯა.
