ჩინეთში ჩატარდა ოქროს თევზების პირველი სილამაზის
კონკურსი. კონკურსში მონაწილეობდა სულ ცოტა 3 ათასი თევზი 14 ქვეყნიდან.

პროგრამის ფარგლებში წარმოდგენილი იყო 12 ნომინაცია. მათ შორის „ყველაზე გრაციოზული თევზი“, „ყველაზე მძიმე თევზი“ და „ყველაზე გრძელი თევზი". თუმცა შეფასებისას აქცენტი მხოლოდ კონკურსანტების სირგძეზე არ კეთდებოდა. ჟიური მოხიბლა ასევე მათმა გრაციოზულობამ, ფერმა და ცურვის განსხვავებულმა მანერებმა.

ოქროს თევზებისადმი ასეთი მოკრძალებული დამოკიდებულება ჩინელებისათვის შემთხვევითი ნამდვილად არ არის. ყოველ წელიწადს ქვეყანაში დაახლოებით 300 მილიონი დოლარის
ღირებულების თევზის ექსპორტირება ხდება.