ტატუს სალონის მფლობელი ტატუირებისა და პლასტიკური ქირურგიის მეშვეობით სულ სხვა ადამიანად გარდაიქმნა.

უცნაური პიროვნება, ფერნანდო ფრანკო დე ოლივეირა ბრაზილიაში ცხოვრობს, სან პაულუს მახლობლად. ალბათ დღეს ძნელია მას ადამიანი უწოდო, ის ორკს უფრო გვაგონებს (ორკი-ფენტეზის ჟანრის ჰუმანოიდების გამოგონილი რასა) ფილმიდან "ბეჭდების მბრძანებელი".

ფერნანდო პროფესიით ტატუს ოსტატია და ფენტეზისა და ორკების მოყვარული ფილმიდან "ბეჭდების მბრძანებელი". მან გარეგნობის შეცვლა ორკად გადაქცევის სურვილის გამო დაიწყო, რამაც ბევრი შოკში ჩააგდო.

ყველაფერი 2006 წელს დაიწყო. ფერნანდომ თავიდან ფეხებამდე მთელი სხეულის ტატუირება გაიკეთა: დრაკონების, ბულდოგების და სხვადასხვა არსებების გამოსახულებები დაიტანა. 2014 წელს იგი ყველაზე ტატუირებულ ადამიანადაც კი აღიარეს. ეს ტიტული მას გინესის რეკორდების მსგავსმა ბრაზილიურმა ორგანიზაციამ RankBrasil მიანიჭა.

ამის შემდეგ მან ისევ გააგრძელა სხეულის მოდიფიცირება. ამჯერად თვალის გუგებში შეიყვანა შავი მელანი, გაიწელა ყურები, ორად გაიჭრა ენა. შემდეგ შეიცვალა ყურების ფორმა, თავზე რქების მსგავსი წანაზარდების იმპლანტები ჩაისვა და შეიცვალა კბილები. ბოლოს კი ქირურგიული მეთოდით ცხვირი მოიჭრა, რომელიც მისი თქმით ყველაზე მტკივნეული პროცესი იყო. დღეს იგი ძალიან დიდ დისკომფორტს განიცდის ბანაობის დროს, რადგან ცხვირის ღრუდან დიდი რაოდენობით წყალი ჩასდის პირში, ცხვირის ნაოპერაციევის შეხორცებას კი რამდენიმე თვე დასჭირდა.

"მე ჩემი სტუდიის მთავარი ღირსშესანიშნაობა ვარ"-ამბობს ფერნანდო. მისი თქმით კლიენტებს მოსწონთ მისი გარეგნობა, საინტერესო ადამიანად თვლიან, გამვლელების 70% კი ჩერდება, რათა მასთან სელფი გადაიღოს. ტატუს ოსტატი ირწმუნება, რომ მისი მეგობრები და ოჯახის წევრები შოკში აღარ ვარდებიან მის დანახვაზე. ოლივეირას სიტყვებით, ბევრი მას სატანისტად თვლის, მაგრამ სინამდვილეში ის ღრმად მორწმუნე ადამიანია. "მე მხოლოდ ყველასგან განსხვავებული მსურდა ვყოფილიყავი"-ამბობს ფერნანდო ფრანკო დე ოლივეირა.

იხილეთ სხვა სტატიები:

ტატუს წარუმატებელი "ხელოვნების ნიმუშები"

ალ-ნასლაა – მისტიკური კლდე საუდის არაბეთში

ყველაზე საიდუმლოებით მოცული ტუსაღი საფრანგეთის ისტორიაში: ვინ იმალებოდა რკინის ნიღბის ქვეშ

პლასტიკური ქირურგიის პირველი პაციენტები

სტომატოლოგების ახალი "ფიშკა"-შოუბიზნესის ვარსკვლავების კბილების სამკაულები

საქსოფონის გამომგონებლის უცნაური ცხოვრება, რომელმაც ბევრჯერ გააცურა სიკვდილი

ლეგენდა ქრონოვიზორზე (დროის მანქანაზე), რომელიც ვატიკანში ინახება

ამ ადამიანებმა თავის თავზე საშიში ექსპერიმენტები ჩაატარეს, მაგრამ მნიშვნელოვანი რამ დაამტკიცეს

შოკისმომგვრელი სხეულის მოდიფიკაციები-ადამიანის ანატომიის შეგნებული შეცვლა

როგორ ააძრეს ინდიელებმა სკალპი ინგლისელს და რა მოხდა შემდეგ