საუდის არაბეთის უძველეს დასახლება ტაიმაში, მისტიური უზარმაზარი ლოდი მდებარეობს, რომლის ასაკი 4 ათასი წელია. უჩვეულო ქვის ლოდი ორ ნაწილად იდეალური ხაზით არის გაყოფილი. მისი წარმოშობის შესახებ უამრავი ვერსია არსებობს, მაგრამ სავარაუდოდ არც ერთი მათგანი არ შეესაბამება სინამდვილეს.

ცნობილი ალ-ნასლაას კლდე შესდგება ორი უზარმაზარი ქვიშაქვის ლოდისგან, რომლებიც პატარა ბუნებრივ კვარცხლბეკებზე დგას. მასზე სხვადასხვა პეტროგლიფებია გამოსახული (ქვაზე ამოკვეთილი გამოსახულება): ცხენების, თხების და ადამიანების.

მნახველებს განსაკუთრებით ორ ქვას შორის არსებული იდეალური ჭრილი აინტერესებთ, რომელიც ლაზერის სხივის ნაკვალევს ჰგავს. უცნაური წარმონაქმნის შესახებ სოციალურ ქსელებში ბევრი მოსაზრება არსებობს.

მაგალითად, ერთ-ერთის მიხედვით, თითქოს კლდე იმის მტკიცებულებაა, რომ უძველესი ცივილიზაციები განვითარების უფრო მაღალ საფეხურზე იყვნენ, ვიდრე ისტორიკოსები თვლიან.

გეოლოგების უმრავლესობა თვლის, რომ ბზარი კლდეში ბუნებრივი გზით გაჩნდა-ტექტონიკური ფილების მოძრაობის შედეგად. ის უმნიშვნელო იყო, მაგრამ საკმარისი აღმოჩნდა იმისთვის, რომ ქვა ორ ნაწილად გაეყო.

მეცნიერების ნაწილი ვარაუდობს, რომ ამ ხაზზე ლოდი არის გადამსკდარი. ეს ვარაუდი იმის საფუძველზე გაკეთდა, რომ გადასკდომის ხაზის გარშემო, ზოგადად ქანები ადვილად ექვემდებარება ეროზიას და ასეთი მყარი მასალა არ არის ხოლმე, როგორც მოცემულ შემთხვევაში.

სხვები ფიქრობენ, რომ ალ-ნასლაას ვულკანური წარმოშობა აქვს, სხვა ვერსიით კი მისტიური წარმონაქმნი უძველესი ცივილიზაციების ნაკვალევია.

საუდის არაბეთის ალ-ნასლაას ქვა ალბათ მომავალში გაგვიმხელს თავის საიდუმლოებას, მანამდე მისტიკით და იდუმალებით გარემოცული განაგრძობს არსებობას.

იხილეთ ასევე:

ოთხი საიდუმლო კარი, რომელთა გაღება არ შეიძლება

ყველაზე საიდუმლოებით მოცული ტუსაღი საფრანგეთის ისტორიაში: ვინ იმალებოდა რკინის ნიღბის ქვეშ

ომის სახე ანუ კონტრასტული კადრები სხვადასხვა სამყაროდან

10 ფაქტი ასურეთის ძლევამოსილ, მაგრამ სასტიკ არმიაზე, რომელიც შიშის ზარს სცემდა ახლო აღმოსავლეთს

ცნობილ ალამუთის ციხეში (მე-9 ს.) უნიკალური საინჟინრო შედევრი აღმოაჩინეს

ჩვენს დრომდე მოღწეული უძველესი არტეფაქტები, რომლებიც აღტაცებას იწვევს

ბულგარეთში, არქეოლოგიური გათხრების დროს, არტეფაქტი-"უცხოპლანეტელის" ნიღაბი აღმოაჩინეს

განადგურებული ქალაქის ნაშთები (ანაბარის პლატო, ციმბირი)?

ესპანეთის ქალაქი, რომელიც კლდის თავზეა გაშენებული და სულ ერთი ქუჩა აქვს