ტანსაცმლის მაღაზიები, იმისთვის, რომ რაც შეიძლება ბევრი ფული დაგვახარჯვინონ, ხშირად მიმართავენ სხვადასხვა ხრიკებს.

აქ სწორედ იმ ინფორმაციას გთავაზობთ, რომელსაც მწარმოებლები და გამყიდველები გვიმალავენ:

ფასდაკლება მაღაზიისთვის უფრო მომგებიანია, ვიდრე მყიდველისთვის

ფასდაკლების აქციები – იძულების საშუალებაა იყიდოთ ის, რის ყიდვასაც არ აპირებდით. ფასდაკლების ნახვისას, "კარგ შეთავაზებაზე" უარის თქმა ყველას არ შეუძლია. მაგრამ, ფასდაკლების უკან, რეალურად რა იმალება?

ზოგჯერ, გაყიდვების წინა დღეს, საქონელზე ფასები სპეციალურად იზრდება, რომ შემდეგ, ფასდაკლება გამოაცხადონ და მყიდველები მიიზიდონ.
მაღაზიის ვიტრინაზე და რეკლამაში, შეიძლება ფასდაკლება 70 % კი იყოს. სინამდვილეში, 70 %–ით ფასი მხოლოდ ერთ ნივთს აკლდება, დანარჩენზე კი ფასდაკლება, მაქსიმუმ, 10 % შეადგენს.

ერთი ზომა შეიძლება იყოს პატარა ან დიდი, ბრენდის მიხედვით

მწარმოებლები ზომის განსხვავებული სქემებით მუშაობენ. ამიტომ, ერთი ბრენდის სამოსი, შეიძლება, S–ზომის მოგერგოთ, ხოლო მეორის – M. ზოგიერთი კომპანია კი, სპეციალურად "აპატარავებს" საკუთარი ნაწარმის ზომას, რომ მყიდველმა უფრო მონდომებით შეიძინოს მათი პროდუქცია (სასიამოვნოა, როდესაც M ზომის ნივთს შეიძენ და ის რეალურად L–ია, მაგრამ ამის შესახებ არ იცი).

ცნობილ დიზაინერთან თანამშრომლობა, ხარისხის გარანტიას არ იძლევა

მსხვილი ბრენდები, პერიოდულად, სამოსის ხაზს უშვებენ, რომელიც ცნობილ დიზაინერთან თანამშრომლობით არის შექმნილი. ამის მიზანი ის არის, რომ ექსკლუზიურობისთვის, მყიდველს უფრო მეტის გადახდა აიძულოს. თუმცა, ექსკლუზიურობა მხოლოდ შეზღუდულ ტირაჟშია, ხარისხი კი, ხშირ შემთხვევაში, მაღაზიის სხვა ნივთებისგან არაფრით განსხვავდება.

ფასდაკლების სექცია გამიზნულად არის არეული

ალბათ შეგინიშნავთ, არა? მაღაზიაში სამოსი, როგორც წესი, თაროებზე აწყვია ან საკიდებზე კიდია. ხოლო, ფასდაკლების სექციაში ქაოსია და ყველაფერი ერთმანეთშია არეული. ამ ხრიკს გამყიდველები გამიზნულად მიმართავენ, რომ გამყიდველმა თავი ბედნიერად იგრძნოს, როდესაც ამ არეულობაში რამე კარგს აღმოაჩენს, თან ხელსაყრელ ფასში... და შემდეგ რა ხდება? – ის მაშინვე სალაროსკენ გარბის.

ტანსაცმლის წარმოებაში მავნე ქიმიკატები იყენებენ

მაშინაც კი, თუ ეტიკეტზე მითითებულია, რომ ნივთი დამზადებულია ბუნებრივი მასალისგან, ის შეიძლება, ჯანმრთელობისთვის საშიში იყოს, რადგან წარმოებაში გამოიყენება ქიმიკატები, რომელთა აღმოჩენა სპეციალური ლაბორატორიული კვლევის გარეშე შეუძლებელია. ამ ნივთიერებების გამოყენების მიზეზი, ნივთებისთვის საჭირო ფერის და ფაქტურის მინიჭება არის. გარდა ამისა, საქონელს მწერებისგან და ობისგან დაცვაც სჭირდება. ამიტომ, ახალი ნივთის შეძენის შემდეგ, აუცილებლად გარეცხეთ, რომ სამოსს მავნე ნივთიერებები მოაცილოთ.

სინთეტიკა ნატურალური ქსოვილების ფასად, მხოლოდ ხრიკია

მწარმოებლები, ხშირად, ხელოვნურად ზრდიან ფასებს სინთეტიკურ ნაწარმზე, რომ მყიდველს უფრო ძვირიანი ნატურალური სამოსის ყიდვისკენ უბიძგონ. მყიდველს ჰგონია, რომ ბამბის ან შალის ნივთი არც ისე ძვირია, ხელოვნურთან შედარებით და ამიტომ მას ყოყმანის გარეშე იძენს.

დიზაინერული საქონელი სავაჭრო ცენტრში უფრო ცუდი ხარისხის არის, ვიდრე ბრენდირებულ ბუტიკებში

ეკონომიის მიზნით, ბევრი დიზაინერული სამოსის შესაძენად, სავაჭრო ცენტრში მიდის. ტანსაცმელი და აქსესუარები იქ დიზაინერების კოლექციების ნიმუშებს მხოლოდ ჰგავს. ძვირადღირებული ბრენდები, სავაჭრო ცენტრებისთვის, ასეთ ნაწარმს იაფიანი ნედლეულისგან სპეციალურად ამზადებენ, რომ მოგება იმათგანც მიიღონ, ვისაც ძვირიან ბუტიკებში ნივთების შეძენა არ შეუძლია.

მაღაზიაში უხარისხო სამოსი იყიდება, რომელიც მალე ცვდება

ნებისმიერ ოჯახში მოიძებნება დედის ან ბებიის ნახმარი ნივთები, რომლის ტარება დღესაც შეიძლება. თანამედროვე სამოსი კი, იმდენად უხარისხოა, რომ რამდენიმე გარეცხვის შემდეგ, გადასაგდები ხდება. სწორედ ეს არის მწარმოებლის მიზანი, რომ რაც შეიძლება ხშირად შევიძინოთ ახალი ნივთები.

მოდა თითქმის ყოველკვირა იცვლება

წავიდა ის დრო, როდესაც მოდის ინდუსტრიაში მხოლოდ 2 სეზონი იყო: გაზაფხული–ზაფხული და შემოდგომა–ზამთარი. ტანსაცმლის ამჟამინდელმა მწარმოებლებმა კურსი მიკროტრენდებზე აიღეს. მაღაზიებში, თითქმის ყოველ კვირა, ახალი მოდური ნივთები ჩნდება. ეს იმისთვის, რომ მაღაზიებში ხშირად იაროთ და რაც შეიძლება მეტი დახარჯოთ.