ქალი და მამაკაცი CNN-ის დირექტორს, კოლეგასთან რომანის გამო, თანამდებობა დაატოვებინეს 2022, 3 თებერვალი, 15:44  CNN-ის დირექტორი ჯეფ ცუკერი თანამდებობას ტოვებს. The New York Post-ის ცნობით, მისი გათავისუფლების მიზეზი კოლეგასთან რომანის გამო აგორებული სკანდალი გახდა.
თავად ეს ამბავი სრულიად შემთხვევით გამჟღავნდა ნიუ-იორკის შტატის ყოფილი გუბერნატორის, ენდრიუ კუომასთან დაკავშირებით კიდევ ერთი სკანდალური საქმის გამოძიების დროს, რომელიც ქვეშევრდომების შევიწროებაში იყო ბრალდებული. კუომოს ძმა, კრისი მუშაობდა CNN-ში და ტელეარხმა შეამოწმა, მათი თანამშრომელი საკუთარი ძმის ამბავზე სწორედ აშუქებდა თუ არა პრესას და როგორი რეაგირება ჰქონდა სკანდალზე. 
- კრის კუომოს შესახებ გამოძიების ფარგლებში, მე გამომკითხეს ნებაყოფლობითი ურთიერთობის შესახებ ჩემს უახლოეს კოლეგასთან, რომელთანაც 20 წელზე მეტი ვმუშაობ. ვაღიარებ, რომ ეს ურთიერთობები ბოლო წლებში განვითარდა. როცა ეს ურთიერთობა დაიწყო, უნდა მეღიარებინა მაგრამ ეს არ გავაკეთე... შევცდი. ამასთან დაკავშირებით დღეს მე ვტოვებ თანამდებობას“, - განაცხადა ცუკერმა. აღსანიშნავია, რომ ცუკერის საყვარელი სკანდალის შემდეგ კომპანიაში დარჩა. საუბარია ვიცე-პრეზიდენტზე და ამავე დროს მარკეტინგის დირექტორზე ელისონ გოლუსტზე რომელიც, სხვათა შორის, იმავე ყოფილ გუბერნატორ ენდრიუ კუომოს საზოგადოებასთან ურთიერთობის დირექტორადაც მუშაობდა. ქალბატონმა დაადასტურა მათი რომანი, რომელიც, სავარაუდოდ, კორონავირუსის პანდემიის დროს დაიწყო. 
თუმცა, გოლუსტის ბევრი კოლეგა მის განცხადებას სკეპტიკურად უყურებს და მიაჩნიათ, რომ წყვილის ურთიერთობა გაცილებით ადრე დაიწყო და ზოგადად ეს იყო „ საიდუმლო", რომელიც კომპანიაში ყველან იცოდა.
ცუკერი და გოლუსტი ერთმანეთს 25 წელზე მეტი ხნის განმავლობაში იცნობდნენ, მათ ერთად დაიწყეს მუშაობა NBC-ში. 
CNN-ის ერთ-ერთმა თანამშრომელმა ირონიულად შენიშნა: „ის, რომ მათ ერთად სძინავთ, მეორე ყველაზე შოკისმომგვრელი ამბავია იმის შემდეგ, რომ რომის პაპი კათოლიკეა“.
პრინციპში, საშინელი არც არაფერი მომხდარა, რადგან ამ "ინტრიგის" ორივე მონაწილე ზრდასრული და ჭკუდამჯდარი ადამიანია, მით უმეტეს, რომ ორივენი ჯერ კიდევ 2010-იანი წლებიდან არიან განქორწინებულები. მაგრამ CNN-ის თანამშრომლებს კორპორატიული ეთიკით მიხედვით მოეთხოვებათ თავი აარიდონ სასიყვარულო ურთიერთობას კოლეგებთან, განსაკუთრებით მაშინ, როდესაც საქმე ეხება ქვეშევრდომებს.
ასევე იხილეთ    184 4-ს მოსწონს
|
  |
Intermedia.ge © 2011-2025 წელი
საავტორო უფლებები დაცულია
 |
