კინო "როლები, რომელზეც უარი თქვა ან უნდა ეთამაშა" - იური ნიკულინის დაბადებიდან 100 წელი გავიდა 2021, 19 დეკემბერი, 10:59 
100 წლის წინ, 1921 წლის 18 დეკემბერს დაიბადა ლეგენდარული საბჭოთა(რუსი)კინოს და ცირკის მსახიობი, იური ნიკულინი.მსახიობს უამრავი თაყვანისმცმელი ჰყავს ყოფილ სსრკ-დან თუ მის შემდგომ და მასზე ძალიან ბევრი დაწერილა და თქმულა კიდეც, თუმცა დღეს მსახიობს დღეს სულს სხვა კუთხით დაგანახებთ.პოპულარული საბჭოთა ფილმები, სადაც შესაძლოა მთავარ როლში გეხილათ იური ნიკულინი, თუყმცა სხვადასხვა მიზეზების გამო ეს არ მოხდა.
 ნიკულინს უთამაშებელი როლების მთელი სია ჰქონდა. ლეონიდ გაიდაიმ თავის „12 სკამში“ კისა ვორობიანინოვის როლზე მოსინჯა. მაგრამ სინჯები წარუმატებელი აღმოჩნდა და საბოლოოდ მას მისცეს მეეზოვე ტიხონის ეპიზოდური როლი. 
"ბრილიანტის ხელის" ფანტასტიური წარმატების შემდეგ რეჟისორმა გადაწყვიტა გადაეღო კომედიაში " ივან ვასილის ძე იცვლის პროფესიას" . სცენარი დუეტისთვის ნიკულინი - მირონოვი შეიქმნა, რომლებსაც ბუნშუს და მილოსლავსკის როლი უნდა ეთამაშათ. მაგრამ თავად იური ნიკულინმა თქვა უარი თამაშზე - მან იფიქრა, რომ ბულგაკოვის მოტივებზე შექმნილ ფილმს მაინც თაროზე შემოდებდნენ, ამიტომ არ სურდა გადაღებაზე ერთი წლის ფუჭად დაკარგვა. 
გეირგი დანელია გეგმავდა ნიკულინის გადაღებას ფილმში "33", მაგრამ არტისტმა საცირკო გასტროლების განრიგი ვერ მოაგვარა და როლი ევგენი ლეონოვს ერგო. სერგეი ბონდაჩუკმა სცადა კლოუნი კაპიტან თუშინის როლისთვის ფილმში "ომი და მშვიდობა", მაგრამ აქაც ვერ შეძლო თამაში.
მსახიობი ყოველთვის ორ წყალშუა იდგა-არჩევანი უნდა გეკეთებინა ცირკსა და კინოს შორის. როგორც ელდარ რიაზანოვი იხსენებს, სწორედ ნიკულინს უნდა ეთამაშა მის ფილმში "გაუფრთხილდი ავტომობილს!" მთავარი როლი მისთვის დაიწერა, ხოლო სცენარის სიუჟეტი თავად შესთავაზა ნიკულინმა, რომელმაც მოუყვა რეჟისორს ამბავი მანქანის ქურდზე, რომელიც პარავდა მანქანებს სპეკულანტებს და შემოსავალს ბავშვთა სახლებს გადასცემდა.
 - ვიცი, რომ ის განაწყენებული იყო, რომ ვერ ითამაშა იმ ფილმში, რომლის სცენარიც მისთვის დაიწერა”, - განაცხადა მსახიობის შვილიშვილმა – სპეციალურად ამ სურათისთვის „მოსფილმში“ კასკადიორი დაიქირავეს, რომელიც პაპაჩემს მანქანის ტარებას ასწავიდა.როლისთვის ემზადებოდა, ყველაფერი მასზე იყო მორგებული. მაგრამ იყო ტური იაპონიაში და "სოიუზგოსცირკმა" არ გაუშვა. დიახ, იყო კინოკონტრაქტი, მაგრამ რაც არ უნდა დაჰპირებოდა ელდარ რიაზანოვს, მისი მთავარი საქმიანობა ცირკი იყო. ცირკს ის აბსოლუტურად სჭირდებოდა, კინო კი დაიცდიდა. შედეგად, დეტოჩკინის როლი ითამაშა ინოკენტი სმოკტუნოვსკიმ.  ასევე იხილეთ     762 4-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
