ეგვიპტეში ნაპოვნი მუმიები ოქროს ენით

ირინა მ.

საზოგადოება

ეკონომიკა

მეტი

23.11.2024
სტატია:138421
ვიდეო:351967
სურათი:512069

Array
(
    [get1] => სტატია
    [get2] => 145281-ეგვიპტეში-ნაპოვნი-მუმიები-ოქროს-ენით
    [get3] => 88
    [addquery] => user:ირინა მ.:show:channel:loop:true
)

საბუნებისმეტყველო

ეგვიპტეში ნაპოვნი მუმიები ოქროს ენით

2021, 10 დეკემბერი, 10:12

კაიროდან (ეგვიპტე) დაახლოებით 220 კმ.-ში, ესპანეთისა და ეგვიპტის ერთობლივი არქეოლოგიური ექსპედიციის მიერ, აღმოჩენილ იქნა ორი უძველესი სამარხი, რომელშიც ქალისა და მამაკაცის ნეშტები განისვენებდა და მათ ოქროს ენები ჰქონდათ.

ძველი ეგვიპტის ბალზამირების სპეციალისტები, ხანდახან გვამებს ენას უნაცვლებდნენ ოქროს ფოლგის ფირფიტებით, რამდენადაც ლეგენდების მიხედვით, ოქროს ენის საშუალებით, ოსირისთან (ოსირისი-ძველეგვიპტური მითოლოგიაში მიცვალებულთა მფარველი და მსაჯული) უკეთ შესძლებოდათ დალაპარაკება მიცვალებულთა სულებს. ამის შესახებ იტყობინება ახლოაღმოსავლური გამოცემა The National News.

ყოველი მიცვალებული განისვენებდა ცალკე, თავის სამარხში, რომელიც კირქვის სარკოფაგს წარმოადგენდა. ამასთან ქალის სარკოფაგს ეტყობოდა გახსნისა და ძარცვის ნაკვალევი, მამაკაცის სამარხი კი ხელუხლებელი იყო. სამარხებში აღმოჩენილია აგრეთვე ასობით სტატუეტი, საიუველირო სამკაულები და სხვა სარიტუალო ინვენტარი.

ენას ჩანაცვლებული ოქროს ფირფიტები, არც ისე ხშირად გვხვდება ძველეგვიპტურ მუმიებს შორის. მას მიცვალებულის მუმიაში ათავსებდნენ დაკრძალვის დღეს, რათა სულს შესძლებოდა ოსირისთან დალაპარაკება, როცა იმქვეყნად მოხვდებოდა. ითვლებოდა, რომ ოქროს ენის საშუალებით მიცვალებულები ოსირისს, გარდაცვლილთა ქვეყნის მბრძანებლის და მსაჯულის ვალდებულებების შემსრულებელს, უკეთ დაარწმუნებდნენ იმაში, რომ გულმოწყალება გამოეჩინა მათდამი-სულებისადმი, რომლებიც ოსირისის სამსჯავროზე წარსდგნენ.

მუმია ოქროს ენით აღმოჩენილ იქნა, აგრეთვე 2021 წლის დასაწყისში, ალექსანდრიის მახლობლად, დასახლება ტაპოსირის-მაგნაში, ძველეგვიპტურ ტაძარში, კლდეში გამოკვეთილ აკლდამებში. თექვსმეტი შესწავლილი სამარხიდან, მხოლოდ ერთში აღმოჩნდა მუმია, რომელსაც ენის ნაცვლად ოქროს ფირფიტა ჰქონდა. დასახლება ტაპოსირის-მაგნა დაარსებულია ფარაონ პტოლემეი მეორე ფილადელფოს მიერ ძვ.წ. 280-270 წლებში. ის ითარგმნება როგორც "ოსირისის დიადი საფლავი". მოგვიანებით იქ აღმართეს ოსირისის ტაძარი, რომელიც, როგორც ითვლება დედოფალ კლეოპატრას უკანასკნელი ნავსაყუდელი იყო.