სხვა რატომ იგნორირებენ ანთროპოლოგები 3,5 მეტრიან ორთავიან გიგანტს პატაგონიიდან? (+ვიდეო) 2021, 7 დეკემბერი, 9:53 
ინტერნეტში და უძველეს ტექსტებში საკმაოდ არის იმ იდეის მტკიცებულებები, რომ დედამიწაზე ოდესღაც გიგანტები ცხოვრობდნენ. ბევრი ამ ისტორიებს გამონაგონს უწოდებს, მაგრამ... ახლა გაიცანით კაპ დვა (Kap Dwa), ორთავიანი 3, 5 სიმაღლის გიგანტი პატაგონიიდან (პატაგონია-რეგიონი არგენტინასა და ჩილეს შორის). 
მაშ ასე, საიდან გაჩნდა Kap Dwa? ისტორია იწყება 1673 წლიდან, როცა ეს ორთავიანი გოლიათი შეპყრობილ იქნა ესპანელი მეზღვაურების მიერ. "ურჩხული" ტყვეობაში იმყოფებოდა მანამდე, სანამ გაქცევისას არ იქნა მოკლული შუბით გულში. ამის შემდეგ მუმიას ცირკში აჩვენებდნენ, ყოველ შემთხვევაში ასე გადმოგვცემს ერთ-ერთი ლეგენდა. 
1914 წელს, ერთი შოუმენიდან მეორე შოუმენისთვის გადაცემისას, ამ არსების ნეშტი აღმოჩნდა ბირნბეკ ვესტონში. იქ გამოფენილი იყო 45 წელი, სანამ 1959 წელს, ლორდ ტომას ჰოვარდმა არ შეიძინა. კაპ დვა აგრძელებდა ადამიანების გაოცებას და როგორღაც მოხვდა ბალტიმორში (მერილენდის შტატი), რობერტ ჰერბერის და მისი მეუღლის უცნაურ კოლექციაში. შეიძლება იფიქროთ, რომ ეს კარგად გათვლილი ტრიუკი და მორიგი ყალბი მუმია იყო, მაგრამ კაპ დვა ნამდვილად არსებობს, და მისი მუმიფიცირებული ნაშთების ნახვა ჰერბერის კოლექციაში შეიძლება. მართალია, თვითინ ბატონი ჰერბერი არც ისე დრამატულ ისტორიას ჰყვება, როგორსაც ცირკის თანამშრომლები ყვებოდნენ თავის წარმოდგენებზე. 
რობერტ ჰერბერის სიტყვებით, კაპ დვა სინამდვილეში მკვდარი იქნა ნაპოვნი პლაჟზე, მასიური შუბით გულში და მოხდა ეს არა პატაგონიაში, არამედ პარაგვაიში. ადგილობრივმა მაცხოვრებლებმა აღნიშნული არსება იპოვეს სანაპიროზე, სოფელში წაიღეს და გამოაშრეს, რის შემდეგაც ინგლისელი კაპიტანი, სახელად ჯორჯ ბიკლი გადააწყდა მუმიას და საბოლოო ჯამში ის ინგლისში გადაიტანა, ბლეკპულეს მუზეუმში, სადაც რამდენიმე წლის განმავლობაში რჩებოდა მუზეუმის ექსპონატად. ბოლოს გიგანტის მუმიფიცირებული ნეშტი გადატანილ იქნა ისევ ამერიკაში, ბალტიმორში. 
ასე და ამგვარად, ეს ორთავიანი გიგანტი აბსოლუტურად რეალურია და ის რეალურად არსებობდა, მაგრამ ვინ იყო, ნამდვილი გიგანტი თუ მუტანტი სიამის ტყუპი? გოლიათების შესახებ ბიბლიაშიც არის ნახსენები. ისინი მიიჩნევიან "ღვთის შვილებისა" და "ადამიანთა ასულების" შეუღლების ნაყოფად. ბიბლია მათ ნეფილიმებს უწოდებს და ძველბერძნულ ენაზე ითარგმნება, როგორც რღვევა, ნგრევა, გარყვნა. სახელი ნეფილიმი გამოყენებულია გიგანტებთან მიმართებაშიც, რომლებითაც ქანაანი იყო დასახლებული: "და იქ ვნახეთ ნეფილიმები, ანაკის ვაჟები, რომლებიც წარმოიშვნენ ნეფილიმებისგან, და ჩვენ მათ თვალში ვიყავით როგორც კალიები." მაგრამ იმდენად, რამდენადაც ხალხი ცირკში დადიოდა არა ბიბლიის მოსასმენად, არამედ წარმოდგენის სანახავად, მუმიისთვის მოფიქრებულ იქნა დრამატული ისტორია. კერძოდ, კაპიტანმა, რომელმაც ის ველურებისგან გამოისყიდა, ამტკიცებდა, რომ ნახა "გიგანტების რასის" წარმომადგენლები, როცა ის და მისი ჯგუფი მიცურავდა მაგელანის სრუტეში. კაპიტნის სიტყვით, ეს აგრესიული, გრძელთმიანი და წითური გიგანტები შიშვლები იყვნენ და მოცურავდნენ მათი მიმართულებით, უცნაური შვიდი ნავით. მიუხედავად ამისა, სასტიკ ბრძოლაში მამაცმა კაპიტანმა თითქოს მოკლა ერთ-ერთი გოლიათი და მისი მუმია ცირკს მიჰყიდა. გასაგებია, რომ ეს ეპიკური ისტორია, წმინდა წყლის გამონაგონია, მაგრამ მიუხედავად ამისა არ გამორიცხავს იმ ფაქტს, რომ Kap Dwa სრულიად რეალურია. მისი სიმაღლე 3, 5 მეტრია და მას ორი თავი აქვს.
The Big The One რედაქციის კომენტარი: ისტორია გიგანტების ტომის შესახებ შვიდ ნავში, რა თქმა უნდა დაუჯერებელია, ისევე როგორც ფილმი ჯეკზე, რომელმაც გოლიათები დაამარცხა. თუმცა ვხედავთ, რომ მუმია სრულიად რეალურია და საჭიროა როგორღაც მისი ახსნა. სიამის ტყუპის მუტანტის ვერსია ახლოსაა სიმართლესთან, მაგრამ პრობლემა იმაშია, რომ ინგლისურ ზღაპრებში არიან ისეთი არსებები, როგორიცაა ეტინები. ისინი ორთავიანი, კაციჭამია გოლიათები იყვნენ. ამასთან ინგლისი და პატაგონია საკმაოდ შორსაა ერთმანეთისგან.
|
  |
Intermedia.ge © 2011-2024 წელი
საავტორო უფლებები დაცულია
 |
ეტინი
