პრეზიდენტის ბრძანებით, მექსიკაში პლაჟზე დამსვენებლებს შეიარაღებული სამხედროები იცავენ

სხვა

2021, 6 დეკემბერი, 15:14

მექსიკაში, კანკუნში პლაჟის ქვიშაზე ზღვის ნიჟარების გვერდით სამხედრო ფეხსაცმლის ნაკვალევს შეხვდებით მას შემდეგ, როდესაც მექსიკის ეროვნული გვარდია ოკეანის სანაპიროზე მზეზე მიფიცხებულ დამსვენებლებს შეუერთდა, რათა კურორტის მობინადრენი დაიცვას ნარკოკარტელის ძალადობრივი ტალღისგან, რომელმაც სულ მცირე ორი ტურისტის სიცოცხლე შეიწირა.

ოთხშაბათს დაახლოებით 1500 ჯარისკაცისგან შემდგარი ბატალიონი გადანაწილდა ტურისტულ ქალაქებში კვინტანა- რო ისლა მუხერესში, სოლიდარიდადში, პუერტო- მორელოსში და ტულუმში, ხოლო ხუთშაბათს, 2 დეკემბერს დაიწყო პლაჟებისა და ქუჩების პატრულირება.

ამ ფოტოებზე მართლაც უცნაური სურათს წააწყდებით, მცხუნვარე მზეზე, შეიარაღებული და სრული ეკიპირებით გამოწყობილ სამხედრო ფორმაში პარტულირებენ ჯარისკაცები, რა დროსაც ტიტლიკანა დამსვენებლების ფონზე, რომელებიც მზის აბაზანებს იღებენ, საკმაოდ კონტრასტულად გამოიყურებიან.

ტურისტების უსაფრთხიების დაცვისთვის, ეროვნული გვარდიის ბატალიონის შეყვანა მექსიკის პრეზიდენტის ანდრეს მანუელ ლოპეს ობრადორმა 17 ნოემბერს მომხდარი სროლების შემდეგ გადაწყვიტა, რამაც საგრძნობლად შელახა რეგიონის იმიჯი, მათ შორის ორი ტურისტი ქალი მკვლელობა, რომელთაგან ერთი ცხოვრობდა სან ხოსეში, კალიფორნია.

„ეს არის ძალიან ცოტა და ძალიან დაგვიანებული“, - განაცხადა საერთაშორისო კრიმინალური ორგანიზაციების ექსპერტმა რობერტ ალმონტემ DailyMail-თან სატელეფონო საუბარში.

4 ნოემბერს პუერტო მორელოსში Hyatt Ziva Riviera Cancún-ის მახლობლად სანაპიროზე დაქირავეულ კილერთა ჯგუფმა მოკლა ორი კონკურენტი ნარკოდილერი. დღისით განხორციელებულმა თავდასხმამ აიძულა ტურისტები და მუშები თავი შეეფარებინათ სასტუმროსთვის, სანამ შეიარაღებული ბანდა ჩქაროსნული კატარღებით დანაშაულის ადგილს დატოვებდა.

20 ოქტომბერს ორ ბანდას შორის საქმის გარჩევას, რომლებიც ტერიტორიების გადანაწილებისთვის იბრძოდნენ, შეეწირა ანჯალი რეია, 25 წლის ინდოელი გოგონა, რომელიც ცხოვრობდა კალიფორნიაში და გერმანიის მოქალაქე, 35 წლის ჯენიფერ ჰენზოლდი.

ტულუმში, ბარ La Malquerida-ში ასევე დაშავდა ორი გერმანელი მამაკაცი და ერთი ქალი ნიდერლანდებიდან.

ფოტოზე:ანჯელა რეია და ჯენიფერ ჰენზოლდი

ამა წლის 11 ივნისს, 30 წლის ქალი, რომელიც კენტუკიდან ჩამოვიდა მექსიკაში, დაშავდა მას შემდეგ, რაც კრიმინალები შევარდნენ კანკუნის სანაპიროზე კვადროციკლით და მოკლეს საჩუქრების მაღაზიის ორი მუშა.

„ტურისტებს უკვე დიდი ხანია კლავენ ან თავს ესხმიან კურორტებზე და მხოლოდ ახლახანს მიიღო გადაწყვეტილება პრეზიდენტმა, რომ შექმნა ეს სპეციალური დანაყოფი, რომელიც დაიცვას საკურორტო ზონას“, - დასძინა ალმონტემ.

მთავრობის მონაცემებით, მინიმუმ 21, 495 ადამიანი დაიღუპა სექტემბრის მდგომარეობით კრიმინალური ორგანიზაციების მიერ განხორცილებულ ძალადობრივ ინციდენტებში.