საქართველოს პრემიერ-მინისტრმა, ირაკლი ღარიბაშვილმა „ნამახვანჰესზე“ საუბრისას კიდევ ერთხელ აღნიშნა, ეს რომ ეს კონტრაქტი მემკვიდრეობით დახვდა. მისი თქმით, კონტრაქტში ბევრი რამ მიუღებელი იყო და ამასთან დაკავშირებით ინვესტორთან ჰქონდა საუბარი.

„ჩვენ გავაგრძელებთ დიალოგს ინვესტორ კომპანიასთან. მიუხედავად იმ პროტესტისა, რაც ადგილზე იყო, მათ აბსოლუტურად ყველა პირობა შევუქმენით, რათა ნორმალურად გაეგრძელებინათ სამუშაოები. ჩვენ გვექნება კომუნიკაცია და დანარჩენს უახლოეს ერთ თვეში გავარკვევთ."-აღნიშნა ღარიბაშვილმა.

კითხვაზე ჰქონდა თუ არა ამ საკითხზე კონტაქტი პრეზიდენტ ერდოღანთან, ღარიბაშვილმა უპასუხა, რომ არ ჰქონია, რადგან " ეს არის წმინდად ინვესტორსა და სახელმწიფოს შორის არსებული ურთიერთობა".

ღარიბაშვილმა ხაზგასმით აღნიშნა, რომ ქვეყნის სტრატეგია მოამავალში ენერგოდამოუკიდებლობის მოპოვებაა:

"ყველა ინვესტორს ვუფრთხილდებით, მეორე მხრივ, ყველა ინვესტორს შევუქმნით მაქსიმალურ კომფორტს, ჩვენი სახელმწიფოსა და მოქალაქეთა ინტერესების გათვალისწინებით. მინდა ვთქვა, რომ მომდევნო წლების განმავლობაში ჩვენი სტრატეგია იქნება მეტი ენერგოდამოუკიდებლობის მოპოვება, მეტი ინვესტიცია ენერგეტიკის სექტორში და პრობლემებსა და დაბრკოლებებს არ ველოდებით“, - განაცხადა ღარიბაშვილმა.

ასევ ღარიბაშვილმა უპასუხა კითხვას შესაძლო კომპენსაციის გადახდაზე:

"არავინ იცის რამდენის გადახდა მოგვიწევს. თუ კომპანია დაგვტოვებს, საქმეში ჩაერთვება დამოუკიდებელი აუდიტორული კომპანია, რომლის დანახარჯის მოცულობას შეაფასებს და ამის მიხედვით მოლაპარაკება შედგება. შეიძლება სხვა კომპანიამ გამოისყიდოს, უამრავი ვერსია და ვარიანტი არსებობს, ამიტომ პრობლემას ვერ ვხედავ“, - აღნიშნა ღარიბაშვილმა.

შეგახსენებთ, რომ ENKA Renewablesმა 22 სექტემბერს გაავრცელა განცხადება, სადაც აღნიშნულია, რომ საქართველოს სახელმწიფოთან არსებულ ხელშეკრულებას წყვეტს – $800 მილიონიანი ჰიდროელექტროსადგური აღარ აშენდება.