შემთხვევა ფინეთის ერთ-ერთ ვეტერინარულ კლინიკაში მოხდა. კლინიკის ექიმთან პაციენტი, საკუთარი ფეხით, პატრონის გარეშე, პირველად მივიდა. ექიმის თქმით, ციყვი ღია კარებში შევიდა და პირდაპირ მას ჩაუხტა ხელებში. ცხოველი დაღლილი ჩანდა, გაუწყლოების ნიშნები ჰქონდა და ცხვირიდან სისხლი მოსდიოდა. ექიმმა მას ცხვირი მობანა, წყალი დაალევინა და როდესაც პაციენტმა ცოტა დაისვენა, ხილი და შვრიის ფანტელები აჭამა. ამის შემდეგ, ცხოველი თანდათანობით მომჯობინდა.

– ეტყობა ძალიან ცუდად იყო, რადგან სამკურნალოდ თვითონ მოვიდა. რაც შეეხება ცხვირიდან სისხლდენას, შესაძლოა, ის ბუდიდან გადმოვარდნილიყო. – თქვა ექიმმა ჰესკაინმა, მას შემდეგ, რაც პაციენტს დახმარება აღმოუჩინა. მისი თქმით, ცხოველი უკვე კარგად არის და «იღიმება კიდეც».

ინფორმასია აღნიშნული ფაქტის შესახებ, ექიმმა Facebook–ზე განათავსა და ფუმფულა პაციენტმა, მომენტალურად, 15 000–მდე მოწონება და გული მოაგროვა.