„ტერმინატორი“ შეიძლება ჩაითვალოს მსოფლიო კინემატოგრაფიის ისტორიაში ერთ-ერთ ბრენდ სამეცნიერო-ფანტასტიკურ ფილმად. თუმცა, შეცდომა იქნება იგივეს თქმა ტერმინატორის 3, 4, 5 და 6 ნაწილებზე, რომლებიც ძალიან შორსაა შედევრისგან. მიუხედავად არაერთი მცდელობისა, რომ ტერმინატორის მომდევნო ნაწილები მეორე სერიის შემდეგ ყოფილიყო ისეთივე შედევრალური, თითოეული სერიის გამოსვლა მთავრდებოდა კრახით და წარუმატებლობით, რადგან მეორე ნაწილის შემდეგ გადაღებული თითოეული სერია ვერ იმეორებდა პირველი და მეორე ნაწილის წარმატებას. ათი წლის მანძილზე ამბობდნენ და ადასტურებდნენ, რომ „ტერმინატორი: ხსნა“, „ტერმინატორი: გენეზისი“ და „ტერმინატორი: ბნელი ბედი“ იქნებოდნენ ახალი ტრილოგიის დასაწყისი, რომლებიც აღადგენდნენ ფრანშიზას და ტერმინატორი დაუბრუნდებოდა პოპ კულტურის სათავეს, მაგრამ განსაკუთრებით მისმა ბოლო ნაწილმა თითქოსდა საბოლოოდ დაასამარა ტერმინატორის სამყარო. დიდი მომავლის წინასწარმეტყველებით ფილმმა არამცთუ დანახარჯები ამოიღო არამედ 150 მილიონამდე ზარალიც კი ნახა.