მამაკაცებს, ქალებისგან განსხვავებით, რომლებიც თავიანთ ემოციებს საკმაოდ ღიად გამოხატავენ, მათთან შედარებით საკუთარი გრძნობების დემონსტრირება გაცილებით უჭირთ. ამიტომ ძალიან მნიშვნელოვანია ყურადღება მიაქციოთ თუ რა იცვლება მამაკაცის ქცევაში მაშინ როდესაც ის ქალის გვერდით იმყოფება. როგორც ირკვევა, იმას რასაც ისინი ღიად ვერ გამოხატავენ, ქვეცნობიერის დონეზე თავს მათ ქცევაში საბოლოოდ, მაინც იჩენს.

იცვლება მზერა

პირველ რიგში, მისი მზერა ხდება უფრო ხანგრძლივი და ნაზი. ხასიათიდან და ტემპერამენტიდან გამომდინარე, ის შეიძლება მაშინვე გაქრეს როგორც კი თქვენს მზერას მასზე გადაიტანთ.

იცვლება ღიმილი

შეყვარებული მამაკაცის ღიმილი სულ სხვანაირი ხდება, მეტიც, მისი სახის გამომეტყველებაც კი იცვლება... ის თითქოს უფრო აღფრთოვანებული და გასხივოსნებული ხდება, ხოლო თავად ღიმილი საყვარელი ქალის ნახვის შესაძლებლობისგან გამოწვეული კმაყოფილებით ივსება.

შეხება

ქვეცნობიერად ყველა შეყვარებული მამაკაცი თავისი სიყვარულის ობიექტთან პირდაპირ შეხებას ცდილობს. ეს შეიძლება იყოს თუნდაც მოკრძალებული კონტაქტი საუბრის დროს. მამაკაცი, რომელიც თქვენზეა შეყვარებული შორიდან არასდროს დაგიძახებთ, პირიქით, ის თქვენთან ახლოს მოვა და ყურადღების მიქცევის მიზნით მხარზე შეგეხებათ.

მოძრაობა

თქვენს გვერდით ის საკმაოდ იცვლება. ცდილობს ყოველთვის ახლოს მოვიდეს, გიყუროთ თვალებში, ამჩნევთ მის მზერას თუ როგორ გაკვირდებათ თავიდან ბოლომდე. ხშირად მამაკაცები ქვეცნობიერად უყურებენ იმ ქალს სახეში, რომელიც განსაკუთრებით მოსწონთ, თითქოს ამგვარად ცდილობენ მას საკუთარი თავი კიდევ უფრო უკეთ დაანახონ.