რა მოხდებოდა, თუ მთვარის ადგილს მზის სისტემის სხვა პლანეტები დაიკავებდნენ

სხვა

2021, 16 ივლისი, 9:49

ეს ექსპერიმენტი წარმოსახვითია, თუმცა არანაკლებ საინტერესო. განვიხილოთ რა მოხდებოდა, თუ მთვარეს მზის სისტემის პლანეტებით ჩავანაცვლებდით, როგორ ზემოქმედებას მოახდენდნენ ისინი გეოფიზიკურ პროცესებზე და საერთოდ ჩვენი პლანეტის სიცოცხლეზე.

იუპიტერი

თუ ისეთი გიგანტური პლანეტა, როგორიც იუპიტერია, დედამიწის სიახლოვეს აღმოჩნდებოდა, დაიწყებდა ჩვენი პლანეტის მიზიდვას. იუპიტერი 318-ჯერ მძიმეა დედამიწაზე. ჩვენ იმაზე ადრე გავქრებოდით, სანამ პლანეტები ერთმანეთს შეეჯახებოდა. ეს იმიტომ, რომ იუპიტერის გრავიტაცია ძალიან დიდ ზიანს მიაყენებდა ჩვენს პლანეტას: წარმოიშვებოდა გიგანტური მოქცევები (ათსართულიანი ცუნამები მასთან შედარებით არაფერი იქნებოდა), ამინდი კარდინალურად შეიცვლებოდა-თავსხმა წვიმები და ქარიშხლები შეაზანზარებდა დედამიწას, რაც მთავარია, დედამიწის ქერქი ვერ გაუძლებდა, ტექტონიკური ფილების მოძრაობა გაძლიერდებოდა და ძლიერი ვულკანები დაფარავდა ყველაფერს. დედამიწა დაკარგავდა ატმოსფეროს-იუპიტერის გრავიტაცია მას "წაართმევდა" შეჯახებამდე დიდი ხნით ადრე.

სატურნი

თუ იუპიტერს სატურნით ჩავანაცვლებთ, შედეგები საგრძნობლად არ შეიცვლებოდა. სატურნი დედამიწაზე 95-ჯერ მძიმეა. ყველა ეს კატასტროფები ამ შემთხვევაშიც მოხდებოდა, თუმცა გარდაუვალ კატასტროფამდე შესანიშნავ ხედს ვიხილავდით.

მერკური

დედამიწისთვის ცუდი ვარიანტი არ არის... მზის სისტემის სხვა პლანეტებთან შედარებით. მაგრამ მერკურის თანამგზავრად ყოფნა არ უწერია. თანამედროვე ჰიპოთეზის მიხედვით, ოდესღაც მერკური ვენერას თანამგზავრი იყო, მაგრამ მზის გრავიტაციის გამო მან დატოვა მისი ორბიტა.

მერკურის რადიუსი 1, 4-ჯერ მეტია მთვარისაზე. ვიზუალურად ეს შესამჩნევი იქნებოდა, თუმცა სტრუქტურის მიხედვით პლანეტები ერთმანეთისგან დიდად არ განსხვავდებიან-იგივე კრატერების დიდი რაოდენობაა ორივე მათგანზე. მაგრამ მერკური ბევრად მკვრივია მთვარეზე, რამდენადაც იგი ბევრად მეტ ლითონს შეიცავს. მისი მასაც ბევრად აღემატება მთვარისას.

როგორი შედეგები ექნებოდა მთვარის მერკურით ჩანაცვლებას? ასეთი თანამგზავრით ცხოვრებას შევძლებდით, მაგრამ სანაპირო ზონა იქნებოდა ნაკლებად სტაბილური, მიქცევა-მოქცევები უფრო ძლიერი იქნებოდა. ასეთ შემთხვევაში შეიძლებოდა უფრო მეტი ენერგიის გამომუშავება მოქცევებზე მომუშავე ელექტროსადგურების მეშვეობით. შეიძლებოდა აგრეთვე, მერკურიზე სასარგებლო წიაღისეულის მოპოვებაც, განსხვავებით მთვარისგან, სადაც პრაქტიკულად არაფერია.

მერკურის რა თქმა უნდა აქვს თავისი პლიუსები, მაგრამ მაინც... ჩვენი მთვარე იდეალური თანამგზავრია. არც ძალიან დიდი, არც ძალიან მკვრივი, მოქმედებს მიქცევა-მოქცევებზე და ცხოველების ცირკადულ რითმებზე მელატონინის სეკრეციის ზემოქმედების საშუალებით.

P.S. ცირკადული რითმებია სხვადასხვა ფსიქიკური, ფიზიკური და ქცევითი ცვლილებები, რომლებიც სხეულში ხდება ციკლურად და ყოველდღიურად. ეს ცვლილებები რეაგირებს გარკვეულ სტიმულებზე, როგორიცაა სინათლე და სიბნელე.