200 კვ. მ. საცხოვრებელი სახლი, რომელიც მოიცავს სამზარეულოს, მისაღებ ოთახს და სამ საძინებელს საკუთარი სააბაზანოებით – ეს ყველაფერი შექმნილია რამდენიმე კონტეინერისგან, რომლებიც ერთმანეთს სხვადასხვა კუთხით უერთდება, რაც უდაბნოში აყვავებული ყვავილის ასოციაციას იწვევს ან ნაგებობას სრულიად სხვა სამყაროდან. სახლი შეიქმნება კინო პროდიუსერისთვის, რომელიც კრეატიული პროექტებისადმი გარკვეულ ლტოლვას განიცდის.

“წლის დასაწყისში კლიენტს ლოს ენჯელესში სტუმრები ეწვივნენ, რომელთაც ცოტაოდენი თავისუფალი დრო ჰქონდათ მისი მიწის ნაკვეთი რომ ენახათ Joshua Tree-ში. ერთ– ერთმა მისა მეგობარმა აღნიშნა, თუ რა დიდებულად გამოიყურება იქ ყველაფერი და კარგი იდეა იქნებოდა რაიმე განსაკუთრებული შექმნილიყო ამ უდაბურ ადგილას. შემდეგ მან თავისი ლეპტოპი გახსნა და ყველას ის ფოტო აჩვენა, რომელიც ინტერნეტში ნახა რამდენიმე წლით ადრე. ეს იყო ჩემს მიერ შექმნილი ოფისის პროექტი კონტეინერებით, რომელიც არასოდეს ამიშენებია. ყველა ძალიან მოიხიბლა ნამუშევრით. რამდენიმე ხნის შემდეგ, როდესაც კლიენტი ლონდონში იმყოფებოდა, დამიკავშირდა და შეხვედრა მთხოვა".

სახლს ეწოდა The Joshua Tree Residence, ის აშენდება ჩემი კლიენტის 90 აკრ მიწის ნაკვეთზე კალიფორნიაში და გეგმის მიხედვით დაიწყება მომავალ წელს. როცა დასრულდება რეზიდენცია, ის სრულად იქნება დამოკიდებული მზის ენერგიაზე, რომლის პანელები განთავსდება ავტოფარეხის სახურავზე. მისი ყველა ფანჯრიდან საოცარი ხედი გადაიშლება იმ უჩვეულო ლანდშაფტის, რომელიც გარს აკრავს. ერთ მხარეს ასევე იქნება ხის ვერანდა. ამ ჩამონათვალის შემდეგ მაინც ფიქრობთ, რომ უდაბნოში, გადასაზიდი კონტეინერებით შექმნილ სახლში ცხოვრება სახალისოდ არ ჟღერს?