უკვე შუა ზაფხულია, თანდათან უფრო დაცხა და დღეებიც გრძელი გახდა. ჩვენი საყვარელი ზღვის კურორტებიც დიდიხანია გვიხმობს, რაც იმას ნიშნავს, რომ საცურაო კოსტუმების სეზონი დადგა. 2021 წლის ზაფხული, ტენდენციების მხრივ, მართლაც მრავალფეროვანია და მოიცავს, როგორც კომფორტულ, ისე სექსუალური სტილის კოსტუმებს. ასე რომ, გადახედეთ წარმოდგენილ ვარიანტებს და აარჩიეთ სასურველი. წლევანდელი მოდა საშუალებას იძლევა, ნებისმიერი გადაწყვეტილების შემთხვევაში მომხიბვლელად გამოიყურებოდეთ. რაც მთავარია, არ დაივიწყოთ მზისგან დამცავი კრემები.

ტყავის ფაქტურის საცურაო კოსტუმი არაჩვეულებრივად იბრწყინებს თქვენს სხეულზე.

ატლასის ეს მოდელი, რომელიც შესანიშნავად გამოკვეთს თქვენი სხეულის ფორმებს, 80-იანი წლების ტენდენციებს გაგახსენებთ. ეს სტილი ნამდვილად იმსახურებს ადგილს თქვენს საცურაო კოსტუმებს შორის.

რეგულირებადი ზონრების მქონე ეს რეტრო ნამუშევარი, ნამდვილად იქნება 2021 წლის ზაფხულის ვარსკვლავი, რომელშიც შესანიშნავ ნამზეურს მიიღებთ.

ერთი მხრის სილუეტიანი მოდელები კვლავ მოდაშია. ეს სტილი 60-იანი წლების ბრიტანული სცენის შთაგონებაა. კოსტუმის ნაოჭიანი ფაქტურა მეტად სასიამოვნოა სხეულზე.

ეს საცურაო კოსტუმი საუკეთესო საშუალებაა კლასიკური სილუეტის მისაღებად.

ფართომკლავებიანი მოდელი ახალი და თამამი გადაწყვეტილებაა. ასეთ საცურაო კოსტუმს, შეგიძლიათ, სანაპიროზე გატარებული ხანგრძლივი დღის შემდეგ, მაღალწელიანი შარვალი შეუხამოთ.

თუ მაქსიმალურად ამოჭრილ საცურაო კოსტუმს ეძებთ, მაშინ ეს მოდელი თქვენთვისაა.

ეს კონკრეტული მოდელი, დიზაინერ მარა ჰოფმანს ეკუთვნის, ზოგადად კი, მკაფიოდ გამოხატული რეტრო სტილის, პრინტიანი საცურაო კოსტუმები, წელს ძალიან აქტუალურია. ასეთი სტილი მეტად ეფექტურს გაგხდით.

წელს, შეგიძლიათ ეს უცხო და განსხვავებული სტილიც თამამად დაამატოთ თქვენს გარდერობს.

ამ მოდელს აქვს ბიუსჰალტერის სტილის კორსეტი, რომელიც შესანიშნავად დგას მკერდზე.

კორსეტის დეტალი ამ მოდელშიც საოცრად ელეგანტურია.

მათთვის, ვინც უფრო მდგრად სტილს ეძებს, ამ საცურაო კოსტუმის სრულად რეგულირებადი ზედაპირი საშუალებას მოგცემთ იპოვოთ სრულყოფილება.

ბედნიერ დასვენების დღეებს გისურვებთ!

ასევე დაგაინტერესებთ:

პრინცესა დაიანას 15 ლუქი, რომელიც 2021 წელს კვლავ დაბრუნდა (+ფოტოები)

მოდის 10 ხრიკი, რომელსაც სარა ჯესიკა პარკერი 80-იანი წლებიდან დღემდე იყენებს (+ფოტოები)