ვარცხნილობას რომ ჩვენი ვიზუალის სრულყოფაში გადამწყვეტი მნიშვნელობა აქვს, ეს არავისთვის არაა ახალი. რაც შეეხება 2017 წლის, ყველაზე მოდურ სტილს, მოკლედშეჭრილი ვარცხნილობები გახლავთ.

წელს მოდაშია ერთ-ერთი ყველასათვის კარგად ცნობილი "კარე". გარდა იმისა, რომ ასეთი ვარცხნილობა მეტად ქალურად და ნაზად გამოიყურება, მოცულობას სძენს თმას. "კარე" საშუალებას მოგცემთ, მუდამ შესანიშნავად და მოწესრიგებულად გამოიყურებოდეთ ზედმეტი დანახარჯის გარეშე. ამასთან, ეს ვარიანტი იდეალურია მათთვის, ვისაც თხელი თმა აქვს.

წელს პოპულარული და მეტად მოდურია მოკლე, ბიჭური ვარცხნილობები.

მოდაშია აგრეთვე, დაუდევარი ბუნებრიობა. ოდნავ ტალღოვანი, არეული თმა - ეს სტილი იდეალური ვარიანტი გახლავთ მათთვის, ვისაც დრო თითქმის არასდროს არ ყოფნით საკუთარი გარეგნობისთვის.

დაკვირვებულ თვალს არ გამოეპარება, რომ ვარსკვლავები სულ უფრო ხშირად ჩნდებიან სხვადასხვა ღონისძიებაზე დაუბანელი თმის ეფექტით. აღმოჩნდა, რომ აღნიშნული სტილი, წლის ერთ-ერთი ყველაზე მოდური ვარცხნილობა ყოფილა. ხოლო ის ფაქტი, რომ მსგავსი ვარცხნილობა მართლაც ძალიან ჰგავს დაუბანელ თმას, რომელიც თითქოს ცხიმიანობისგან ბრწყინავს, ხელს არ უშლით ვარსკვლავებს შესანიშნავად გამოიყურებოდნენ.წლის ტრენდი გახლავთ აგრეთვე, სწორი "ჩოლკა", რომელიც თითქმის ყველანაირ სახეს უხდება.