კალიფორნიის უნივერსიტეტის მკვლევართა ჯგუფმა ხელოვნური ინტელექტის მოდელის კონცეფცია წარმოადგინა, რომელსაც ადამიანივით აზროვნება შეუძლია. როგორც გამომცემლობა Proceedings of the National Academy of Sciences წერს, ხელოვნური ინტელექტის შესწავლაში გარღვევა, ადამიანის ტვინის მათემატიკური მოდელის შექმნის წყალობით მოხდა.

როგორც აღნიშნული მოდელის ავტორები ხსნიან, მეცნიერები, რომლებიც ნეირო და კოგნიტურ სფეროებს სწავლობენ, დიდი ხნის მანძილზე, ცდილობენ იმის გარკვევას, თუ როგორ ხდება ჩვენს ტვინში ელექტრო აქტივობით, ისეთი რთული აბსტრაქციების შექმნა, როგორიც მეტყველება, ლოგიკა, მათემატიკა, დაგეგმვა და სხვა სფეროები არის. მათი თქმით, თუ მეცნიერება, ტვინის ფუნქციონირების სრულფასოვნად აღმწერი მოდელის შექმნას შეძლებს, მაშინ ის ხელოვნური ინტელექტის შექმნასაც მოახერხებს, რომელიც ნამდვილად გონიერი იქნება.

მეცნიერებმა თავის ტვინის მათემარიკური მოდელის შექმნის კონცეფციის იდეა, განმეორებადი ქსელის სახით წამოაყენეს. ჩანაფიქრის მიხედვით, მოდელი ტვინს, გარკვეული რაოდენობის უბნებად ყოფს, რომელთაგან თითოეული, მილიონობით ნეირონისგან შედგება. ტვინის უჯრედები ერთმანეთთან კონტაქტში, ყოველი სეგმენტის შიგნით შედიან, ხოლო, თითოეული სეგემენტი – სხვა სეგმენტებს უკავშირდება.

«სეგმენტებს შორის კავშირის დაჩქარება ან შენელება შეიძლება, რის გამოც, აზროვნების შემთხვევითობა და პლასტიკურობა არის უზრუნველყოფილი. ამჟამად, მოდელი აწყობის ეტაპზეა. მაგრამ, მას უკვე ახლა შეუძლია ისეთი ოპერაციების შესრულება, რომელიც ინფორმაციის შენახვის, დამუშავების და ამოღებისთვის არის აუცილებელი», — აცხადებენ მეცნიერები.