სხვა 11 შეუცვლელი რჩევა, ვისაც სისუფთავე უყვარს 2021, 1 მაისი, 9:51
ქვემოთ ჩამოთვლილი რჩევების გამოყენებით ადვილად და სწრაფად დაამყარებთ სახლში წესრიგსა და სისუფთავეს. მიკროტალღური ღუმელი
წყლით გაჟღენთილ ღრუბელზე დაიტანეთ ცოტაოდენი ჭურჭლის სარეცხი საშუალება და ააქაფეთ. მოათავსეთ ღრუბელი მიკროტალღურ ღუმელში და ჩართეთ მინიმალურ სიმძლავრეზე 30 წამით. გამოაღეთ კარი და გაწმინდეთ ღუმელი იგივე ღრუბლით. ეს მეთოდი არა მხოლოდ ღუმელის სისუფთავეს უზრუნველყოფს, არამედ ღრუბელს არასასიამოვნო სუნს და მიკრობებსაც მოაშორებს. ლეიბები
საწოლის ლეიბებს (მატრასებს) პირვანდელი სახე რომ დაუბრუნოთ, საკმარისია მოვაყაროთ საკვები სოდა, დავტოვოთ რამდენიმე საათით და შემდეგ მტვერსასრუტით გავწმინდოთ. გაქრება ყველანაირი სუნი და კვალი. ამავე მეთოდით შეიძლება დივნის და სავარძლების გაწმენდა. სამზარეულოს დაფა
შესანიშნავი საშუალება დაფის გასაწმენდად მარილი და ლიმონია. გაწმენდის შემდეგ უბრალოდ მოავლეთ ცივი წყალი. ტოსტერი
კბილის ჯაგრისით ადვილად გასუფთავდება ტოსტერის ძნელად მისადგომი ადგილები. ონკანი
ცვილიანი ქაღალდით თუ ონკანის ზედაპირს გავწმინდავთ, მასზე დიდი ხნის განმავლობაში არ დარჩება წყლის წვეთების კვალი. უთო
საუთოვებელ დაფაზე გაფინეთ ქაღალდი და დაყარეთ ცოტა მარილი, შემდეგ უთოს რეგულატორი დააყენეთ მაქსიმალურ ნიშნულზე (წინასწარ დარწმუნდით, რომ უთოში არ არის წყალი და "ორთქლის" ფუნქცია გამორთულია). ცხელი უთო გაატარეთ მარილზე. ამ მეთოდით უთო კარგად იწმინდება ჭუჭყისგან. ლაქა
ცხიმის ლაქა ქსოვილიდან ადვილად ამოვა დაფხვნილი ცარცის მეშვეობით. შეაზილეთ იგი ქსოვილში ლაქის ადგილას, რამდენიმე საათის განმავლობაში ცარცი შეიწოვს ცხიმს. ეს მეთოდი ეფექტურია ახალი ცხიმის ლაქებისთვის. ტაფა
თუჯის ტაფის გაწმენდის საუკეთესო საშუალებაა მარილი. მარილი ისრუტავს ცხიმს და დაგეხმარებათ მიმწვარი საკვების მოცილებაშიც. ამის შემდეგ საკმარისია წყალი გადაავლოთ. ხალიჩა
თქვენ დაგჭირდებათ ერთი წილი ძმარი და ორი წილი წყალი, აურიეთ ერთმანეთს ბოთლში და გამაფრქვევლის საშუალებით დაასხით ხალიჩის ლაქაზე, დააფარეთ სველი ტილო. ჩართეთ უთო ორთქლის რეჟიმზე და 30 წამით დაადეთ სველ ტილოს. ფანჯრები
გაწმინდეთ ფანჯრის მინები ჩვეულებრივი წესით და ბოლოს გაამშრალეთ გაზეთით. ეს მინების ბზინვარებას უზრუნველყოფს. უსიამოვნო სუნი
ჩაყარეთ ჭიქაში 1 ჩაის კოვზი ვანილის ექსტრაქტი და ცოტა ხნით შედგით გახურებულ ღუმელში-სახლი ჯადოსნური არომატით აივსება, არასასიამოვნო სუნი კი გაქრება.
|
კომენტარები არ არის, დაწერეთ პირველი კომენტარი |
  |
Intermedia.ge © 2011-2024 წელი
საავტორო უფლებები დაცულია
 |
იქნებ დაგაინტერესოთ:
