"როცა თამაშობ..თხასთან( დართული აქვს თხის სიმბოლო) მაგრამ ხარ..ვეფხვი( ვეფხვის სიმბოლო). მაგარია“, – ასეთი ტექსტი დაურთო ვიდეოს 12 მარტს ჩოგბურთელმა შარლოტა ჰელენმა ყატარში ნიკოლოზ ბასილაშვილის ფედერერთან გამარჯვების შემდეგ.

ბასილაშვილის რჩეული გერმანელი ჩოგბურთელი შარლოტა ჰელენია, რომელიც გასულ წელს აქ იყო ჩამოსული და ნიკას სასამართლოებასაც ესწრებოდა, გოგონა 6 თვე იყო საქართველოში და ჩვენს კორტებზეც ვარჯიშობდა.

შარშანვე გერ­მა­ნი­ა­ში ბა­სი­ლაშ­ვილ­მა სა­ცო­ლის მე­გობ­რებ­თან ერ­თად შარ­ლო­ტას იუ­ბი­ლე აღ­ნიშ­ნა.

ნიკოლოზ ბასილაშვილი 23 თებერვალს 29 წლის გახდა. სპორტსმენის საცოლემ შარლოტა ჰელენმა „ინსტაგრამის“ საკუთარ გვერდზე რომანტიკული ფოტო გამოაქვეყნა და აღნიშნა, რომ ისეთი ადამიანის იუბილეს აღსანიშნად, როგორიც ნიკოლოზია, ერთი დღე ნამდვილად არაა საკმარისი.

გუშინ, დოჰას საერთაშორისო ტურნირის ფინალში ნიკოლოზ ბასილაშვილმა ესპანელი რობერტო ბაუტისტა აგუტი ორ სეტში დაამარცხა და ტურნირის გამარჯვებული გახდა.კარიერაში ATP-ის ეგიდის მან მეოთხე ტურნირი მოიგო, რითაც 250 სარეიტინგო ქულას მიიღებს.რაც შეეხება საპრიზო ფონდს-მისი რაოდენობა 1 153 560 დოლარია.

შეგახსენებთ, ნიკოლოზ ბასილაშვილი შარშან 22 მაისს დააკავეს.სპორტსმენს, ურთიერთშელაპარაკების ნიადაგზე ყოფილი მეუღლის, ნელი დოროყაშვილის მიმართ ფიზიკური ძალადობა ბრალდებოდა.სასამართლომ სპორტსმენს აღკვეთის ღონისძიებად გირაო- 100 000 ლარის გადახდა დააკისრა, შემდგომ ჩოგბურთელს ბრალი უფრო დაუმძიმდა: სახელმწიფო ბრალდება ნიკოლოზ ბასილაშვილს ედავება ნელი დოროყაშვილის მიმართ გენდერული ნიშნით სხვადასხვა დროს განხორციელებულ ფიზიკური ძალადობის ოთხ ეპიზოდს და სისტემატურ ფსიქოლოგიურ და ეკონომიკურ ძალადობას.გამოძიება გრძელდება.